2 SAMUEL 13:21 - Sura' Madatu

²¹ Iatonna rangimi datu Daud te mintu’na te, re’dekmi tu ara’na.

2 SAMUEL 13:21 ပူးပေါင်းရင်းမြစ်များ

KADADIAN 34:7

Iatonna saemo tu anakna Yakub dio mai padang anna rangii tu iannato, mapa’di’mi tu penaanna sia re’dek tongan tu ara’na, belanna mangkamo tu Sikhem ma’gau’ baga dio to Israel, nagau’ sala tu anakna Yakub, tu inang tang sipatu napogau’.

KADADIAN 35:22

Den pissan tonna pa’tondokkimi Israel tu padang iato, malemi tu Ruben ussangamparan Bilha, gundi’na ambe’na, napekarebami Israel tu iannato. Iatu muane, tu anakna Yakub sangpulo dua.

2 SAMUEL 12:10

Iamoto iatu pa’dang tae’ nala toyang dio mai to lan banuammu tontong sae lakona, belanna mutunaiNa’ sia muala tu bainena Uria, to Het, mupobaine.

2 SAMUEL 12:5

Lendu’mi re’dekna ara’na Daud lako tau iato, anna ma’kada lako Natan, nakua: La lelukraka tuoNa PUANG, iatu to mangka umpogau’i to, la mate dipatei.

2 SAMUEL 13:20

Nakuami Absalom, kakanna lako: Narumburokoka Amnon, kakammu? Melo, ke rapa’i bangmi tu iannato, adingku. Iamo siulu’mu, da mutarru’ umpalan bangi penaammu tu ianna te. Malemi tu Tamar anna torro lan banuanna Absalom, kakanna susi misa’ to unnali’ kalena.

2 SAMUEL 13:22

Apa tae’mo napa’kadai Absalom tu Amnon la melona la kadakena, sangadinna nanannan randang Absalom tu Amnon, belanna napalao siri’na tu Tamar, adinna.

PA’PUDIAN 101:8

Melambi’oi la kusabu’ioi tu mintu’ to tang mekaaluk lan padang iate, angku roto’i lan mai kotaNa PUANG tu mintu’ to umpogau’ kakadakean.

1 SAMUEL 2:29

Ma’apai natae’ mudampangi tu pemala’ sia kande dipemalaran lako Kaleku, tu Kupepasanan la dipaden lan banuangKu, sia mupakala’bi’i tu anakmu losong na Aku, sia mipemalompoan kalemi tu mammi’na mintu’ kande napemalaran to Israel, taungKu.