2 SAMUEL 13:19 - Sura' Madatu

¹⁹ Napalangannimi barra’-barra’ Tamar tu ullunna sia naserek-serek tu bayu maa’na tu napake, anna pa’lullungi tu limanna, anna marassan sia male marassan sia unnurruk-urruk tumangi’.

2 SAMUEL 13:19 ပူးပေါင်းရင်းမြစ်များ

KADADIAN 37:29

Iatonna sulemo tu Ruben lako to’ bubun, natiroi, a’a ta’demo tu Yusuf diong bubun, naserek-serekmi tu pakeanna.

2 SAMUEL 1:11

Attu iato natoemi Daud tu pakeanna, naserek-serekki; susi dukato tu mintu’ tau nasolan.

2 SAMUEL 1:2

Iatonna allo ma’pentallun ta’kala saemi misa’ tau dio mai to’ surodadu nasolan Saul, serek-serekmo tu pakeanna sia ponno barra’-barra’ dao ulunna; tonna rampomo lako Daud, menombami tukku sae rokko padang.

2 SAMUEL 13:20

Nakuami Absalom, kakanna lako: Narumburokoka Amnon, kakammu? Melo, ke rapa’i bangmi tu iannato, adingku. Iamo siulu’mu, da mutarru’ umpalan bangi penaammu tu ianna te. Malemi tu Tamar anna torro lan banuanna Absalom, kakanna susi misa’ to unnali’ kalena.

ESTER 4:1

Iatonna issanmi Mordekhai tu mintu’ apa dadi, naserek-serekmi tu pakeanna anna mellullung karung sia au, anna male tama tangnga kota, na sumarro sia unnurruk-urruk tumangi’.

AYUB 2:12

Iatonna mambelapa nabangunammi tu matanna, tae’mi natandai tu Ayub. Ma’urrukammi umpekapuai gamaranna, anna kake-kakei tu bayu lamba’na, anna ambo’i barra’-barra’ tu ulunna nasumarombon langngan langi’.

AYUB 42:6

Iamoto kuriu’ sulei tu kadangku, angku mengkatoba’ unno’ko’ diong to’ barra’-barra’ sia to’ au.

YEREMIA 2:37

Dio duka mai la munii tassu’ undudung limammu, belanna Natibemo PUANG tu tau iato mai, tu munii ussedan rannummu, muurunganni tang unnappa’i tu mudaka’na lako tau iato mai.

YOSUA 7:6

Naserek-serekmi Yosua tu pakeanna, anna lumbang rokko padang dio tingayo pattinNa PUANG sae lako makaroeanna, la ia la mintu’ pekaamberanna to Israel, sia naambo’i barra’-barra’ tu ulunna.

1 SAMUEL 4:12

Lussu’mi misa’ to Benyamin dio mai pa’telangan kasirarian anna rampo lako Silo allo ia dukato, titepu-tepu bangmo tu tamangkalena sia barra’-barra’ daomo ulunna.