2 SAMUEL 12:9 - Sura' Madatu

⁹ Ma’apai ammu tapa’ bangi tu kadanNa PUANG, ammu pogau’i tu apa kadake dio pentiroNa? Mupesuan umpatei pa’dang tu Uria, to Het, ammu pobainei tu bainena, sia kalena mupatei pa’dangna to Amon!

2 SAMUEL 12:9 ပူးပေါင်းရင်းမြစ်များ

2 SAMUEL 11:4

Nasuami Daud tu tau male untambai, iatonna tamamo mennolo lako datu, sangampa’mi datu; – iatu baine iato lendu’mo kausseroianna kalena dio mai kanalambiranna bulanna. – Mangkato sulemi tu baine iato lako banuanna.

2 SAMUEL 12:10

Iamoto iatu pa’dang tae’ nala toyang dio mai to lan banuammu tontong sae lakona, belanna mutunaiNa’ sia muala tu bainena Uria, to Het, mupobaine.

2 SAMUEL 16:7

Susite tu kadanna Simei tonna marassan untampakki ropu nakua: Mallaiko, mallaiko, e pa’patibollo rara sia to bulituk!

1 DATU 15:5

Belanna napogau’mo Daud tu apa malolo dio pentiroNa PUANG sia tae’ anna sepang dio mai mintu’ apa Napasananni angge tuona, sangadinna ia manna tu penggauranna lako Uria to Het.

1 DATU 21:19

Ammu ma’kada lako kumua: Inde sia tu kadanNa PUANG: Mangkamorokoka papatean sia unnala duka mana’na tau? Sia la mukua duka lako kumua: Inde sia tu kadanNa PUANG: Iatu inan nanii asu mangka ullepa’i rarana Nabot, dio duka inan iato la nanii asu ullepa’i tu raramu.

2 OSSORANNA DATU 33:6

Ondong pissanpi api napamaindananni tu mai anakna muane diong lombok Ben-Hinom, sia umpalalo ma’biangi sia kapakita-kitan sia balik mata, sia napaden tu to sola bombo sia to sola deata. Sia buda napogau’ tu apa kadake dio pentiroNa PUANG, tu umpa’dikki penaanNa.

PA’PUDIAN 51:14

Pasulei lako kaleku tu kaparannuan kasalamaran lu dio mai Kalemi, sia penaa mengkaolakumora la ussande’na’.

PA’PUDIAN 51:16

Lendokanna’ dio mai indan rara, o Puang Matua, Puang Matua oto’na kasalamarangku, la napopela’tek lilaku tu kamaloloamMi.

PA’PUDIAN 51:4

Pemabaseina’ dio mai kakadakeangku sia seroi pindanna’ dio mai kasalangku.

PA’PUDIAN 90:8

Midandan nasangmo dio oloMi tu mintu’ kakadakeangki, sia iatu kasalan membuningki naluangmo arrang oloMi.

SARAMBU PEADA’ 14:2

Minda-minda ma’kedo bulo lollong, ungkataku’ PUANG, apa minda-minda tu unnola lalan kelok tang umpakala’bi’ Puang.

YESAYA 5:24

Iamoto, susitu api mendelok unnimbakan dalame sia susi ria ditombon napopennau api, susi dukamoto tu aka’na tau iato mai la buruk sia iatu ta’binna la sisarombonan susi barra’-barra’, belanna naboko’imo tu Sukaran alukNa PUANGna mintu’ ma’dandan maritik sia nabelle’i tu kadanNa To maserona to Israel.

YEREMIA 18:10

Apa iake umpogau’i apa kadake dio pentiroKu, anna tae’ naperangii tu gamarangKu, manassa Kupenassanni tu kameloan mangka Kupokada la Kukamaseanni.

AMOS 2:4

Inde sia tu kadanNa PUANG Nakua: Belanna tallu tu kapatodo-tintinganna Yehuda, ondongpi belanna a’pa’, iamoto natae’ Kula umpasalai ukungan. Belanna natumpu tu Sukaran alukNa PUANG sia tae’ nakaritutui tu mintu’ apa Napondok Puang, sangadinna napapusamo deata mo’rangna tu naturu’mo nene’ to dolona,

1 SAMUEL 15:19

Ma’apai natae’ miperangii tu kadanNa PUANG sangadinna mibarakki tu pangrampa sia umpogau’komi apa kadake dio pentiroNa PUANG?

1 SAMUEL 15:23

Belanna iatu mengkailing pada bangsia kasalan ma’doti sia kamatampoan pada bangsia mekapuang lako deata sia kamenomban lako balo’ tau. Belanna mitumpumo tu kadanNa PUANG, iamoto Natumpu dukakomi Puang, kumua damo midadi datu.

1 SAMUEL 15:26

Apa mebali tu Samuel lako Saul nakua: Tae’ kula sule ussolangkomi, belanna mangkamo mitumpu tu kadanNa PUANG; anna tumpu dukakomi PUANG, kumua damo midatui to Israel.