2 SAMUEL 12:20 - Sura' Madatu

²⁰ Millikmi tu Daud diong mai padang, anna mendio’ sia umpake minna’ busarungngu’ sia ussondai pakeanna; mangkato tamami banuanNa PUANG anna menomba; namane sule lako tongkonan layukna, namesua umpasakkaranni kande, anna kumande.

2 SAMUEL 12:20 ပူးပေါင်းရင်းမြစ်များ

2 SAMUEL 12:19

Iatonna tiromi Daud pada sibisik-bisik tu taunna, naissanmi tu diona pia iato kumua matemo. Iamoto anna ma’kada tu Daud lako taunna, nakua: Matemoraka tu pia? Mebalimi tu tau iato mai, nakua: Matemo, puang.

2 SAMUEL 12:21

Attu iato ma’kadami tu mintu’ taunna lako, nakua: Umbara nakua te gau’mi? Iatonna tuopa tu pia ma’puasa sia tumangi’komi; iatonna matemo tu pia, malimbangunmokomi ammi kumande.

2 SAMUEL 14:2

mesuami Yoab lako Tekoa, untambai dio mai tu misa’ baine malute, anna ma’kada lako nakua: La muangga’-angga’i ma’pote sia ma’pake sanda bolong, da muma’minna’ busarungngu’, sia la unna’ga susiko kalemu misa’ baine masaimo umpassanda bolongan to mate.

2 SAMUEL 19:24

Sae dukami Mefiboset, anakna datu Saul, untammui datu; tae’ nabasei lentekna sia tae’ nakaridi’ danggo’na sia tae’ nabusukki pakeanna randuk dio mai allo kamallaianna datu sae lako kasulean marampa’na.

2 SAMUEL 6:17

Iatonna baami tau tama tu pattinNa PUANG, napadiomi inanna lan tenda tu napabendananni Daud, napemalaranni Daud tu pemala’ ditunu pu’pu’ sia pemala’ kasalamaran dio oloNa PUANG.

2 SAMUEL 7:18

Malemi tama tu datu Daud anna unno’ko’ dio oloNa PUANG, anna ma’kada, nakua: O Puangku PUANG, mindara te taumMi sia mindara tu to lan banuangku, anna baara’ Puang sae indete?

AYUB 1:20

Attu iato ke’de’mi tu Ayub, na kake-kakei tu bayu lamba’na sia naku’ku’i tu ulunna, nalumbang rokko padang, tukku menomba, anna ma’kada nakua:

AYUB 2:10

Apa mebali lako bainena nakua: Susiko misa’ to maro-maro ma’kada; ia mannaraka tu melona la tatarima dio mai Puang Matua, anna kadakena tae? Lan te mintu’nate tae’ tu kada sala sun dio pudukna Ayub.

PA’PUDIAN 103:1

Pa’pudianna Daud. Pudimi tu PUANG, e sumanga’ku, sia sanga maseroNa, e mintu’na lan tondon to batangku;

PA’PUDIAN 103:8

Iatu PUANG sumpu mamase sia sa’pala buda, kalando pesuka’ sia kapua kamasokananNa.

PA’PUDIAN 39:9

Rampananna’ dio mai mintu’ salaku, sia da Mipatulangdanna’ napotombonan dollok to baga.

PA’PUDIAN 95:6

Maikomi anta tukku menomba, anta malinguntu’ dio oloNa PUANG, Totumampata.

SARAMBU PEADA’ 3:7

Da musande’ lako kakinaammu, sangadinna kataku’i tu PUANG sia patoyangko kalemu dio mai kakadakean,

TOMANGADA’ 9:8

La tontong bang masero tu pakeammu sia da nasalai minna’ busarungngu’ tu ulummu.

MATIUS 6:17

Apa iatu iko, iammu ma’puasa, boka’i tu ulummu sia dau’i tu lindomu,

LUKAS 7:46

Sia tae’ mipalangnganni minna’ tu ulungKu, apa iate baine sae rokko lette’Ku napalakoi duka minna’ pandere’.

RUT 3:3

Iamoto mendio’moko, ammu minna’i pandere’ tu kalemu sia ma’pakeammoko, ammu male rokko to’ panglulluran. Apa da naissan lenko Boaz, ke tae’pi napura kumande sia mangiru’.

1 SAMUEL 15:25

Totemo pagarri’mi dikka’ tu kasalangku sia tasule sola, angku menomba lako PUANG.

1 SAMUEL 15:31

Sulemi tu Samuel undi unturu’ Saul, anna menomba tu Saul lako PUANG.