2 SAMUEL 12:13 - Sura' Madatu

¹³ Nakuami Daud lako Natan: Kasalammo’ lako PUANG. Nakuami Natan lako Daud: Napa’deimo PUANG tu kasalammi, kumua da mimate.

2 SAMUEL 12:13 ပူးပေါင်းရင်းမြစ်များ

KADADIAN 39:9

Ia duka ia tu ia lan te banua tae’ anna mandu madoan na aku sia mintu’ barang apa tae’ napasalian lako kaleku sangadinna kamu manna, belanna bainenakomi; ma’apai angku la umpogau’i te kakadakean kapua sia kasalan langngan Puang Matua!

2 SAMUEL 24:10

Apa iatonna mangkamo unnia’i tu mintu’ pa’tondokan, ma’parondomi tu penaanna Daud, anna ma’kada tu Daud lako PUANG, nakua: Mandu tonganmo’ kasalan umpogau’i tu iannato; melo, o PUANG, pa’dei dikka’ tu kasalanna taumMi, belanna ma’gau’ to bagana’.

2 SAMUEL 24:17

Iatonna tiromi Daud tu malaeka’ umparampo kasanggangan dio lu pa’tondokan, nakuami lako PUANG: Akumora te, akumo tu kasalan, sia akumo umpogau’i tu kakadakean. Apa iate mai domba, apara ia napogau’? Elo’namo Mipata’paina’ lima sola mintu’ rapungku.

1 DATU 13:4

Iatonna rangii datu tu kadanna taunNa Puang Matua umpa’kadai inan pemalaran dio Betel, nae’te’mi Yerobeam tu limanna dao mai inan pemalaran iato, anna ma’kada nakua: Tingkanni! Apa iatu limanna tu nae’te’ lako matoromo, naurungan tang tikambemo sule.

1 DATU 21:20

Nakuami Ahab lako Elia: Mukabu’tuimora’ka, e ualingku? Nakuami tu Elia: Tonganna kukabu’tuimokomi, belanna umbalukmokomi kalemi umpogau’ apa kadake dio pentiroNa PUANG.

1 DATU 22:8

Nakuami tu datu to Israel lako Yosafat: Den siapa misa’ tau, tu tapotete ma’din mekutana lako PUANG, apa kukabiri’, belanna tae’ bang maelona tu napokada diona kaleku, sangadinna kadakena manna, iamo tu Mikha anakna Yimla. Nakuami Yosafat. Da nama’kada susito tu datu.

2 DATU 1:9

Nasuami datu lako tu misa’ kamandang ungkapalai surodadu limangpulo sola tu surodadunna limangpulo. Kendekmi langngan Elia, belanna iatu Elia unno’ko’ dao botto tanete, sia ma’kada lako nakua: E taunNa Puang Matua, napa’parentan datu, kumua mengkalaokomi!

1 OSSORANNA DATU 21:8

Attu iato ma’kadami Daud lako Puang Matua nakua: Mandu tonganmo’ kasalan umpogau’i tu iannato; apa melo ke Mipa’dei tu kasalanna taumMi, belanna kabagan tu kupogau’.

2 OSSORANNA DATU 16:10

Re’dekmi ara’na tu Asa lako te to patanda-tandan, anna patamai pa’tarungkuan, belanna tarru’ sengke lako Hanani diona tu iannato. Sia ba’tu pira-pirapa tu pa’tondokan napa’dikki Asa attu iato.

2 OSSORANNA DATU 25:16

Apa marassan bangsia sipa’kada, nakuami datu lako: Naangka’rokomika tau pa’bisaranna datu? Kappakomi, apa gai’mi la napatei tau? Kappami tu nabi sia ma’kada nakua: Kuissanmo, kumua Nalampak dukamo Puang Matua la ussanggangikomi, belanna penggauran susimmi te sia tae’ miperangii tu pa’pakilalangku.

AYUB 33:27

Pakalan napa’perangiammi lako tolino tu penanianna sia ma’kada nakua: Mangkamo’ kasalan sia umpakelok salunna, apa tae’ angku dipabala’i.

PA’PUDIAN 103:12

Pada sikambelanna matallo anna matampu’, pada duka mambelanna to Nanii Puang umpatoyangi dio mai kaleta tu salata.

PA’PUDIAN 51:16

Lendokanna’ dio mai indan rara, o Puang Matua, Puang Matua oto’na kasalamarangku, la napopela’tek lilaku tu kamaloloamMi.

PA’PUDIAN 51:4

Pemabaseina’ dio mai kakadakeangku sia seroi pindanna’ dio mai kasalangku.

PA’PUDIAN 51:6

Mati’ Kalemi, ondong mati’ manna Kalemi kuniimo kasalan, sia umpogau’ apa kadake dio pentiroMi, kumua amMi sanda tonganna lan bisaramMi, sia malambu’ lan pa’paolaimMi salu.

KATASSURAN 9:27

Iatonna attu iato napopetambaimi Firaun tu Musa sia Harun, anna ma’kada lako nakua: Tonganna te allo iate kasalammo’; inang malambu’ tu PUANG, apa aku, sola mintu’ taungku to kadake gau’.

SARAMBU PEADA’ 25:12

Iatu to ma’pakilala kinaa siperangian to untananni talinga susito anting-anting bulaan sielle’ manik bulaan.

SARAMBU PEADA’ 28:13

Minda-minda tu ussamboi kapatodo-tintinganna, tae’ nala maupa’, apa minda-minda unnakui sia umboko’i la ungkabu’tui kamaturu-turuan.

YESAYA 38:17

Iatu kamaparrisan kapuaku membalimo kasalamarangku. Puangmo tu ullendokanna’ dio mai patuang lambe’ nanii kaburukan, belanna mintu’ kasalangku Mitibemo lako boko’Mi.

YESAYA 43:24

Tae’ra doi’mu muallianNa’ bangle, tae’ra mupedia’iNa’ lompo pemala’ pangrere’mu sangadinna napamatana’Na’ kasalammu sia nabo’yo’iNa’ kakelokammu.

YESAYA 44:22

Kusarrinni tu kakadakeammu susi rambu roya sia iatu kasalammu susi salebu’; la suleko lako Kaleku, belanna Akumo tu ullendokangko.

BATING 3:32

Belanna iake mangkaMi meparosso, mekamaseioMi sitinaya kakapuanna kamaturu-turuanNa.

SURA’ KATOMINAAN 20:10

Iake denni misa’ muane ussandak salu rampanan kapa’na bainena tau, iamotu ussandak salu rampanan kapa’na bainena to nasisolan, manassa la dipatei, la iatu muane pasandak salu lako rampanan kapa’ la iatu baine.

SURA’ KATOMINAAN 24:17

Sia minda-minda duka tu umba’ta tau namate, manassa la mate dipongko.

ZAKHARIA 3:4

Ma’kadami tu Malaeka’ iato sia nakua lako tu tau iato mai, tu bendan dio oloNa: Lossokanni dio mai kalena tu pakean mariga. Mangkato ma’kadami lako Yosua, Nakua: Kupa’dei tu kakadakeammu dio mai kalemu, angKu pakeiko pakean pa’gauran.

MATIUS 14:10

Nasuami tu tau lao umpoloi tu ulunna Yohanes lan pa’tarungkuan.

LUKAS 15:21

Apa nakua tu anakna lako: O ambe’ kasalammo’ lako Puang Matua sia lako kalemi; dadi tang sipatumo’ la misanga anakmi.

LUKAS 18:13

Iatu passima mambela-bela tu nanii ke’de’, moi mentingara langngan langi’ tae’ nasarai, sangadinna ussa’pa-sa’pa ara’na, nakua: O Puang, ala masena’, aku te misa’ to kasalan!

PENGGAURANNA RASULU’ 2:37

Iatonna rangii susito, tibaliangmi ara’na sola nasangi nama’kada lako Petrus sia iatu mai rasulu’ senga’, nakua: E kamu to kisangsiuluran, apara tu sipatu la kipogau’?

IBRANI 9:26

Belanna iake susito, tae’ anna salai tang la ma’tole-tole umperasai parri’ tempon dio mai dikombongna tu lino. Apa totemo te tonna ganna’mo tu attu, pissan dukari mangka dipasombo diona kaumpassurusanna batang kaleNa la umpa’dei kasalan.

1 YOHANES 1:7

Apa iake lolangki’ lan kamaseroan, susi Ia torro lan kamasiangan, manassa denmo kasiturusanta sola nasang, sia raraNa Yesu, AnakNa, usseroiki’ dio mai mintu’ kasalan.

KADA OMBO’ LAKO RASULU’ YOHANES 1:5

sia lu dio mai Yesu Kristus, tu dadi sa’bi maruru’, tu pa’bunga’ tuo dio mai mintu’ to mate, sia dadi Pangulunna mintu’ datu lan te lino. Nalako tu To-umpakaboro’ki’, sia mangkamo ulla’bakki’ raraNa, dio mai mintu’ kasalan,

1 SAMUEL 15:20

Nakuami Saul lako Samuel: Kuturu’ sia tu kadanNa PUANG sia kuolai tu lalan Nasuanna’ PUANG sia Agag, datu to Amalek kusolan, apa iatu mintu’ to Amalek mangkamo kusabu’i butung pepayu.

1 SAMUEL 15:30

Nakuami Saul: Tonganna, kasalammo’, apa totemo kasiri’pa’ dikka’ dio olona mintu’ pekaamberanna bangsaku sia dio tingayona mintu’ to Israel. Maikomi, tasule sola. Angku menomba lako PUANG, Kapenombammi.