2 SAMUEL 12:10 - Sura' Madatu

¹⁰ Iamoto iatu pa’dang tae’ nala toyang dio mai to lan banuammu tontong sae lakona, belanna mutunaiNa’ sia muala tu bainena Uria, to Het, mupobaine.

2 SAMUEL 12:10 ပူးပေါင်းရင်းမြစ်များ

KADADIAN 20:3

Apa sae tu Puang Matua lako Abimelekh bongi iato lan tindona ma’kada kumua: Tonganna tongan la mateko, bannang dio te baine mangka muala, belanna bainenamo tau!

2 SAMUEL 18:33

Mandu bonnongmi penaanna tu datu, nakendek langngan bilik daona lu anna tumangi’. Iatonna marasan lumingka ma’kadami nakua: O anakku Absalom, anakku, anakku Absalom! Kenna akuora mate ussondako, Absalom, anakku, anakku!

1 DATU 15:5

Belanna napogau’mo Daud tu apa malolo dio pentiroNa PUANG sia tae’ anna sepang dio mai mintu’ apa Napasananni angge tuona, sangadinna ia manna tu penggauranna lako Uria to Het.

SARAMBU PEADA’ 17:13

Minda-minda umpakkanni kakadakean tu kameloan, manassa iatu kakadakean tae’ nala toyang dio mai banuanna.

AMOS 7:9

Sangadinna iatu inan madaona Ishak la disanggangi sia iatu mai inan maindanna Israel la diro’pok, sia la ke’de’Na’ unnukungi tu bati’na Yerobeam la umparampoi pa’dang.

KADIBILANGAN 11:20

sangadinna la sipeupu’ sangbulan, naurungan tassu’ lan mai illongmi, ammi bossa ungkandei. Belanna mipamatuna tu PUANG, tu misisolan sia sumarrokomi dio oloNa, mikua: Ma’apai angki tassu’ lan mai Mesir?

MATIUS 26:52

Nakuami Yesu ungkuanni: Banuai sule tu la’bo’mu; belanna mintu’na tu to umpopaningoan la’bo’, la mate nakande la’bo’.

MATIUS 6:24

Tae’ misa’ kaunan ma’poperuranni lako da’dua puangna, belanna tae’ nasalai tang nakasorro tu misa’na, naporai tu misa’, ba’tu la’ka’ lakoi misa’na nasarroanni tu misa’na. Tae’ mima’din umpekapuangi Puang Matua mipengkaolai dukai tu Mamon.

ROMA 2:4

Ba’tu tae’raka muangga’i tu kamasokanan tang dilambi’Na sia kama’tananNa sia pesuka’ kalandoNa sia tae’ muissanni, kumua iatu kamasokananNa Puang Matua urrendenko lako katobaran?

1 TESALONIKA 4:8

Iamoto, iatu to untumpui, tangia kumua tolino natumpu, sangadinna Puang Matua, tu umpa’kamasean Penaa Masallo’Na lako kalemi.

1 SAMUEL 2:30

Iamoto Nama’kada tu PUANG, Kapenombanna to Israel. Nakua: Iatu kadangKu dolona masero, kumua iatu bati’mu sia bati’na ambe’mu la lolang dio oloKu sae lakona, apa totemo Nakua kadanNa PUANG: Mambelamo tu iannato dio mai Kaleku, belanna minda-minda umpakala’bi’Na’, la Kupakala’bi’ duka, apa minda-minda tu ussayuNa’, la dipamatuna.