2 SAMUEL 11:2 - Sura' Madatu

² Den pissan tonna la makaroenmo millikmi tu Daud diong mai katindoanna, anna sumalong-malong dao bubungan tongkonan layukna; ta’kala natiromi dao mai bubungan iato tu misa’ baine marassan mendio’; iatu baine iato lendu’ ia melona pantarisanna.

2 SAMUEL 11:2 ပူးပေါင်းရင်းမြစ်များ

KADADIAN 12:11

Denmi pissan tonna la rampomo lako tana Mesir, nama’kada lako Sarai bainena, nakua: Kuissan tongan kumua iatu iko te to melo pantarisammu:

KADADIAN 3:6

Natiromi tinde baine, kumua melo la dikande tu bua kayu iato sia dipora’dik untiroi, ondongpi iamo misa’ kayu sipatu dikaduangi la umpabu’tu kamanarangan, naalami tu buanna nakandei sia naben duka muanena, anna kandei sola.

KADADIAN 34:2

Natiromi Sikhem, anakna Hemor, to Hewi, datu lan tondok iato, nala’ka’i anna sangamparanni nabanga’i.

KADADIAN 39:6

Mintu’ tu naampuinna nasorong tama limanna Yusuf, naurunganni tae’mo na ia umpoissan lenni sangadinna ia mannamo tu kande nakande lu rokko. Iatu Yusuf melo pa’kaleanna sia melo tu pantarisanna.

KADADIAN 6:2

natiromi anak Puang Matua tu baine bati’ tolino, kumua melo tu pantarisanna, anna pobainei minda-minda tu naala penaanna.

2 SAMUEL 13:1

Mangkato dadimi tu iannate; iatu Absalom, anakna Daud, den adinna misa’ baine, me’lok pantarisanna, disanga Tamar; nakamoraimi Amnon, anakna muane Daud.

2 SAMUEL 14:27

Dadimi tu anakna Absalom tallu muane na misa’ pia baine, disanga Tamar, iamo misa’ to maballo pantarisanna.

2 SAMUEL 4:5

Malemi sola duai anakna Rimon to Beerot, iamotu Rekhab sola Baana, anna tama tongkonan layukna Ishboset, tonna mapana’ allo; iatu anak arung mamma’ bangsia dao patindoanna tonna tangnga allo.

2 SAMUEL 4:7

Malemi tama tongkonan layuk tonna mamma’ tu Ishboset dao patindoanna lan bilik nanii mamma’; napateimi tu anak arung, napoloi tu ulunna. Naalami tu ulunna anna lumingka situ’turan bongi unnolai tu Araba-Yordan iato.

AYUB 31:1

Siallu’mo matangku, umbara kukua umpenniroi misa’ anak dara?

PA’PUDIAN 119:37

Patipero’i tu matangku, da anna ta’pai tu mai apa tang kebattuan. Sia patuona’ diona lalanMi.

SARAMBU PEADA’ 19:15

Iatu kamatukkunan umpaden mamma’ kalupi-lupian, sia iatu to maga’gun la umperasai katangdiaran.

SARAMBU PEADA’ 31:30

Iatu kamaballoan pa’kaleanna misa’ baine ma’pakena sia iatu kameloan pantarisanna tae’ gai’na, apa misa’ baine ungkataku’ PUANG, iamo sipatu dipudi.

SARAMBU PEADA’ 6:25

Da nabu’tu lan penaammu tu kamoraian lako pantarisan melona, sia da naalako kidi’ matanna.

SARAMBU PEADA’ 7:8

lumingkami dao batatta sikandappi’ ma’tetukna, tu nanii biasa bendan, sia male ma’palulako banuanna,

YEREMIA 19:13

Mintu’ banua dio Yerusalem sia mintu’ tongkonan layukna datu Yehuda la maruttak susi inan dio Tofet, iamotu mintu’ banua dao sotona nanii tau untunu pemala’ lako mintu’ ma’dandan maritik dao langi’ sia umpemalaran pemala’ pantedok lako kapenomban senga’.

MATIUS 10:27

Iatu Kupokadannakomi lan malillinna, la mipokada lan to’ maserona; sia iatu dipa’bisikanna dio to’ talingammi, la mipetamban dao mai bubungan banua.

MATIUS 24:17

sia iatu to dao bubungan banua, da namengkalao rokko sia unnala apanna lan mai,

MATIUS 5:28

Apa Aku Kukua mati’ kumua, minda-minda tu umpenunu misa’ baine anna sae kamoraianna lako, mangkamo ia pasandak salu lako rampanan kapa’ lan penaanna lako tu baine to.

PENGGAURANNA RASULU’ 10:9

Masiang dio maito tonna diopa lu lalan sia urreke’mo tondok iato kendekmi tu Petrus langngan bubungan massambayang, agi-agi te’te’ sangpulo dua tangnga allo.

PA’TOLE 22:8

Iake umbangunko misa’ banua ba’ru, la murompo tu soto banuammu, da muparampoi to’doan rara tu banuammu, ke denni misa’ tau tobang dao mai.

PA’TOLE 5:21

Da’ mukailui bainena padammu ma’rupa tau, da’ mukaduangi banuanna padammu ma’rupa tau, ba’tu pa’lakna, ba’tu solana muane, ba’tu solana baine, ba’tu sapinna, ba’tu keledainna, ba’tu barang apa-apanna padammu ma’rupa tau.

1 PETRUS 4:7

Apa iatu ma’katampakanna mintu’ apa mandappi’mo, iamoto la matangkinkomi sia mainga’ lan passambayangmi.

1 YOHANES 2:16

Belanna mintu’na tu lan lino, iamotu kamailuan pa’kalean, kamailuan mata, sia kasolleran, tae’ nalu dio mai Ambe’, sangadinna lu dio mai lino.

1 SAMUEL 9:25

Mangkato mengkalaomi sola duai dao mai tu inan madao, anna tama kota. Sipa’kada-kadami Samuel tu Saul dao bubungan banua.