2 SAMUEL 11:11 - Sura' Madatu

¹¹ Mebalimi Uria lako Daud nakua: Iatu patti sia mintu’ to Israel sia to Yehuda torro lan lu tenda sia puangku Yoab sia mintu’ surodadunna puangku mamma’ bang dio lu padang; matumbai kula tama banuangku la kumande sia mangiru’ sia mamma’ sola baineku? La lelukraka tuona puangku sia la leluk dukaraka tuona deatanna puangku, la toyang ia dio mai kaleku la umpogau’i tu susinna to!

2 SAMUEL 11:11 ပူးပေါင်းရင်းမြစ်များ

2 SAMUEL 11:10

Napokadami tau lako Daud, nakua: Tae’ nasule lako banuanna tu Uria. Nakuami Daud lako Uria: Tang mane saerokoka dio mai kalingkammu? Ma’apai natae’ mumengkalao sule lako banuammu?

2 SAMUEL 14:19

Nakuami datu: Natamairaka Yoab tu mintu’na te? Mebalimi tu baine iato nakua: Tonganna tuo tu puangku, moi misa’ tau tae’ nakullei sepang lako kairi ba’tu kanan dio mai mintu’ kadanna puangku. Tonganna taummi Yoab ussuana’ sia ullesangan simisa’i taummi tu mintu’ kada iate.

2 SAMUEL 20:6

Nakuami Daud lako Abisai: Totemo iatu Seba, anakna Bikri, ma’din umpogau’ kadake lako kaleta mandu na iatu Absalom. Alami tu mintu’ taunna puangmu muula’i, da nalambi’i tu ba’tu pira-pira kota ditambakuku, nanii umpembuniangki’.

2 SAMUEL 7:2

Ma’kadami datu lako nabi Natan, nakua: Aku te unnisungna’ lan tongkonan layuk kayu arasi’ na iatu pattinNa Puang Matua unnisung lan tenda dikulambu.

2 SAMUEL 7:6

Randuk dio mai allo Kusolanna tu to Israel tassu’ lan mai tondok Mesir sae lako allo iate, tae’ bangpa Kutorroi misa’ banua, sangadinna male bangNa’ salamba salao untorroi tenda sia kema.

KADIBILANGAN 32:6

Apa ma’kada tu Musa lako to Gad sola tu Ruben, nakua: Sipaturaka tu mai siulu’mi la lao parari, anna kamu la torro indete?

YOHANES 13:14

Iake Aku Puang sia Guru mangka umbasei lentekmi, sipatu dukakomi la sibasean lentekmi.

2 TIMOTIUS 2:12

sia iake batta’ki’ umpatananni, la ma’parentaki’ Sola; iake tapeonganni, la Napeonganni dukaki’;

1 SAMUEL 1:26

Ma’kadami Hana nakua: La messimanna’, tuang, kukua: la lelukraka tuomi, nala lelukra kadangku tuang, kumua aku bangsiamote tu to bendan dolona sikandappi’ tuang, massambayang lako PUANG.

1 SAMUEL 14:18

Ma’kadami tu Saul lako Ahia, nakua: Baai mai tu pattinNa Puang Matua; belanna attu iato iatu pattinNa Puang Matua dio lu to Israel.

1 SAMUEL 17:55

Tonna tiromi Saul tu Daud ma’palulako to Filistin iato, ma’kadami tu datu lako Abner, pa’baraninna, nakua: E! Abner, mindara anak te pia muane iate? Mebalimi Abner: O puang, kumatemora ke la kutandai.

1 SAMUEL 20:3

Umpalaomi sumpa tu Daud nakua: Naissan tongan ambe’mu kumua muporai tonganna’. Iamoto nama’tangnga’ nakua: Tae’ nala dipaissanni Yonatan te iannate, da napomasussai. Apa la tilelukraka tuoNa PUANG sia tuomu, manassa sangpentengkanri alla’ku na kamatean.

1 SAMUEL 25:26

Totemo, o puang, la tilelukraka tuoNa PUANG sia tuona puangku, manassa PUANG undampakomi tobang rokko kasalan umpatibollo rara sia untuntun kalena bang katonganammi. Nasusimora Nabal tu mintu’ ualimmi sia iatu mintu’ to undakarangkomi kadake.

1 SAMUEL 4:4

Disuami tu tau lako Silo, anna baai dio mai tu patti basseNa PUANGna mintu’ ma’dandan maritik, tu unnisung dao karubion; na iatu anakna Eli sola duai, iamotu Hofni na Pinehas dio sola tu patti basseNa Puang Matua.