2 SAMUEL 11:1 - Sura' Madatu

¹ Tonna tituka’mo pentaunan, tu biasa nanii datu tassu’, nasuami Daud tu Yoab sia mintu’ surodadunna sia mintu’ to Israel male ussanggang to Amon sia umpatama limbu tondok Raba. Apa iatu Daud torro dio Yerusalem.

2 SAMUEL 11:1 ပူးပေါင်းရင်းမြစ်များ

2 SAMUEL 10:14

Iatonna tiromi to Amon, kumua mallaimo tu to Aram, mallaimi tu tau iato mai dio mai tingayona Abisai, anna tama kota. Sulemi tu Yoab untalo to Amon, anna rampo lako Yerusalem.

1 DATU 20:22

Undinnato saemi tu nabi umpennoloi datu to Israel, anna ma’kada nakua: Melo ke mipamatoto’i tu kalemi, ammi tangnga’i sia la mitimbang apa tu la mipogau’, belanna taun pole la sae tu datu Aram ullaoi pole’komi.

1 DATU 20:26

Iatonna taun pole’ to, napasakka’mi Benhadad tu mintu’ to Aram, anna ke’de’ lako Afek la sirari to Israel.

1 OSSORANNA DATU 20:1

Iatonna taun pole’omo, tu attu nanii datu biasa tassu’ parari, narampunmi Yoab tu mintu’ surodadunna sia nasolan la parari, anna sanggangi tu tondokna to Amon; iatonna mangkato malemi anna patama limbui tu Raba, apa iatu Daud torro dio Yerusalem. Natalomi Yoab tu kota Raba, nasanggangi.

2 OSSORANNA DATU 36:10

Iatonna taun pole’ to, mesuami datu Nebukadnezar ussolanni lako Babel sola tu mai pareanan ballo lan banuanNa PUANG. Naangka’mi datu tu Zedekia, sangdadianna, undatui Yehuda sia Yerusalem.

PA’PUDIAN 60:9

Iatu Gilead taaku sia iatu Manasye taaku duka, na iatu Efraim, iamo sarong batungku, sia iatu Yehuda iamo tekken kapayungangku.

TOMANGADA’ 3:8

Den tu attu dinii ma’pakaboro’ sia den tu attu dinii ungkabiri’ tau, den tu attu parari sia den tu attu kasitaman.

YEREMIA 49:2

Iamoto, tonganna la sae tu allona, kadanNa PUANG, la Kuparangian Raba to Amon tu arrak kasirarian, sia la mempadang lo’bang, nanii ma’toppo’-toppo’ batu tuan sia iatu lili’na la diballa api; sia iatu to Israel la unnalai sia umpomana’i tu tau iato mai, tu mangka umpomana’ tondokna Gad, kadanNa PUANG.

YEREMIA 49:3

Unnurrukko, e Hesbon, belanna sanggangmoko sia daun lauammoko; tumangi’komi, e anak dara Raba; ma’potedibolongkomi, sia umbatingkomi, sia sumayokomi lan alla’na rinding tembo’ pa’lak, belanna la dipali’ tu Milkom sola mintu’ to minaanna sia arungna.

YEHEZKIEL 21:20

sura’i tu misa’ lalan la naola pa’dang ullaoi Raba to Amon sia ullaoi duka Yehuda, sae lako Yerusalem tu ditambakuku.

AMOS 1:14

iamoto angKu la umpadukkui api tu lanna lu rinding tembo’na Raba, naurungan unnimbakanni tu bentengna, naturu’ arrak ke attu kasirarian, sia ongngo’ angin bara’, ke attu talimpuru’;

ZAKHARIA 14:3

Attu iato la tassu’ tu PUANG, anNa sirari tu mintu’ bangsa iato susitu kapararianNa dolona, tonna allo kasirarian.

PA’TOLE 3:11

Ia manna tu Og, datu Basan, tu to Refaim tampakna torro; manassa iatu mammaranna mammaran bassi; inang den dio Raba to Amon. Iatu kalandona kasera siku na iatu kalua’na a’pa’ siku situru’ suka’ siku biasa.

1 SAMUEL 18:30

Ianna tassu’ tu mintu’ datu to Filistin, ke tassu’oi tu tau iato mai, inang Daud tu mandu maupa’ na iatu mintu’ taunna Saul, naurungan mandu dipakala’bi’ tu sanganna.