2 SAMUEL 10:6 - Sura' Madatu

⁶ Iatonna issanmi to Amon kumua napakadake lelemo tu kalena dio olona Daud, nasuami ussaroi to Aram dio Bet-Rehob sia to Aram dio Zoba duangpulo sa’bu tu surodadu lumingka, sia surodadunna datu Maakha sangsa’bu, sia surodadunna Tob sangpulo dua sa’bu.

2 SAMUEL 10:6 ပူးပေါင်းရင်းမြစ်များ

KADADIAN 34:30

Nakuami Yakub lako Simeon sola Lewi: Mipa’petumanganna’ sia mipalele kadake tu sangangku lako mintu’ pa’tondokan iate, iamotu lako to Kanaan sia to Feris; kita te to tang pirariki’, iake natambai nasangi tu solana, sae unneaki’, manassa natalona’ sia napasisanggangna’ mintu’ repokku.

2 SAMUEL 10:5

Iatonna mangkamo dipokadan Daud tu iannato, nasuami tu ba’tu pira-pira tau male untamui tu tau iato mai, belanna lendu’ dipakasiri’na; nakuami datu: Melo ke torropokomi dio Yerikho sae lako tuona sule tu danggo’mi, mimane sule.

2 SAMUEL 10:7

Iatonna rangimi Daud tu kareba iato, nasuami tu Yoab sola mintu’ surodadu, iamotu surodadu pa’tonno’.

2 SAMUEL 16:21

Ma’kadami Ahitofel lako Absalom, nakua: Melo ke sangampa’i puangku tu mintu’ gundi’na ambe’mi tu napatorro ungkampai tongkonan layuk; susito la narangi mintu’ to Israel tu diona puangku, kumua mipakadake lelemo tu kalemi lako ambe’mi, sia salamatoto’-toto’na tu mintu’ to unturu’komi.

2 SAMUEL 23:34

na Elifelet, anakna Ahasbai, anakna misa’ to Maakhati; na Eliam, anakna Ahitofel, to Gilo;

2 SAMUEL 8:12

iamotu dio mai to Aram sia to Moab sia to Amon sia to Filistin sia to Amalek sia dio mai pangrampa dio mai Hadadezer, anakna Rehob, datu Zoba.

2 SAMUEL 8:3

Sia natalo Daud tu Hadadezer, anakna Rehob, datu Zoba, tonna male umpasule kuasanna sae lako salu Efrat.

2 SAMUEL 8:5

Saemi tu to Aram dio mai Damsyik la untundui Hadadezer, datu Zoba, apa natalo Daud tu to Aram, anna mate duangpulo sa’bu.

1 DATU 11:24

Narampunmi tu tau lako kalena, anna ia umpangului to misa’ kaponan; iatonna la umpatei Daud, mallaimi lako Damsyik anna torro dio, anna angka’i tu Rezon dadi datu dio Damsyik.

2 DATU 7:6

Belanna Napa’perangiammo Puang lako surodadu to Aram tu ongngo’na, ba’tu pira-pira kareta sia gumaluntu’na darang sia arrakna sangtuntunan kapua surodadu, naurungan pantan sipa’kada tau iato mai: Manassa nasaroi datu to Israel tu datu to Het sia datu to Misraim unneaki’ sia la ullaoiki’.

PA’PUDIAN 48:4

Umpa’pepayanammo Kalena tu Puang Matua lan tongkonan layukNa la mendadi tambakuku matoto’.

KATASSURAN 5:21

Ma’kadami tu tau iato lako: Kenna tiroorokomi PUANG sia Napaolaikomi salu, belanna mipakadake lelemokan lako Firaun sia lako mintu’ pareanna natumang kadammi, butung-butung to mipatangkei pa’dang la umpateikanni.

SARAMBU PEADA’ 25:8

Da mumadomi’ male ma’kara-kara, belanna apa tu la mupogau’ ma’katampakanna ke napakasiri’ko padammu tolino?

YEREMIA 40:8

saemi tu tau iato mai lako Gedalya dio Mizpa, iamotu Ismael anakna Netanya sia Yohanan sia Yonatan, anakna Kareah sia Seraya, anakna Tanhumet sia anakna Efai, to Netofa sia Yezanya, anakna to Maakha sisola surodadunna.

YEREMIA 46:21

Sia mintu’ surodadu disaroi dio lu tau iato mai susitu anak sapi maloppok, apa tau iato mai memboko’, anna mallai sola nasang sia tang naatta tumanan, belanna narampoimo allo kamandasanna, iamotu allo kadiukunganna.

PA’TOLE 3:14

Iatu Yair bati’na Manasye, unnala mintu’ lili’na Argob sae lako lili’na to Gesur sia to Maakha, nasangai tu iannate, iamotu Basan, napasikona sanganna, iamotu kampongna Hawot-Yair, sae lako allo iate.

TO PARENGNGE’ 11:3

Iamoto namallai tu Yefta dio mai siulu’na anna torro dio Tob, anna sae sirampun lako tu ba’tu pira-pira muane palong nasisolan, anna male sola.

TO PARENGNGE’ 11:5

Iatonna sirarimo to Amon tu to Israel, malemi tu mintu’ pekaamberan Gilead unnala Yefta dio mai tondok Tob,

TO PARENGNGE’ 18:28

Moi misa’ tau tae’ bang sae untundui, belanna mambela dio mai Sidon na moi misa’ tau tae’ bang nasikadamakan; iatu inan kotana diong lombok sikandappi’ Bet-Rehob. Mangkato nabangun pole’mi to Dan tu kota iato, nanii ma’tondok.

1 SAMUEL 13:4

Narangimi mintu’ to Israel tu kareba iato anna ma’kada, nakua: Natalomo Saul tu surodadu pa’kampana to Filistin; iamo napobannang anna kadake lele tu to Israel lako to Filistin. Undinnato sirampunmi tu to buda unturu’ Saul lako Gilgal.

1 SAMUEL 27:12

Nakatappa’imi Akhis tu Daud anna ma’tangnga’, nakua: Umpakadake lelemo kalena dio lu bangsana, dio lu to Israel, iamoto la tontong kupotau sae lakona.