2 SAMUEL 10:19 - Sura' Madatu

¹⁹ Iatonna tiromi mintu’ arung mengkaola lako Hadadezer, kumua talo dio tingayona to Israel, sikaelomi to Israel, sia mengkanorong lako. Mataku’mi tu to Aram untundui pole’i tu to Amon.

2 SAMUEL 10:19 ပူးပေါင်းရင်းမြစ်များ

2 SAMUEL 8:3

Sia natalo Daud tu Hadadezer, anakna Rehob, datu Zoba, tonna male umpasule kuasanna sae lako salu Efrat.

2 SAMUEL 8:6

Sia napao’ko’imi Daud surodadu ma’kampa lan tu ba’tu pira-pira tondok dio Aram lili’na Damsyik, anna lumbang baka direngnge’ tu to Aram lako Daud sia umbaya’ sima. Susimoto tu PUANG ungkamasei Daud kapataloan umba-umba nanii male.

1 DATU 20:1

Narampunmi Benhadad, datu to Aram, tu mintu’ surodadunna sia iatu datu duangpulo ntallu nasolan sola darang sia kareta. Ke’de’mi umpatama limbu Samaria, sia sirari pa’tondokanna.

1 OSSORANNA DATU 19:19

Iatonna tiromi mintu’ arung umpengkaolai Hadadezer, tu diona kanataloanna to Israel, sitamami Daud tu tau iato mai sia mengkanorong lako; na iatu to Aram manokamo untundui to Amon.

YESAYA 26:11

O PUANG, tie’te’ tu limamMi, apa tae’ anna mengkilala; apa la mengkilala sia masiri’ diona kamakaritutuamMi lako bangsa iato. Ondongpi iatu api ungkande to umbaliKomi, la ungkande duka tau iato mai.

DANIEL 2:37

Kamumo, o datu, datunna mintu’ datu, tu Nakamaseimo Puang Matua dao suruga kadatuan sia kuasa sia kamatotoran sia kamala’biran,

YOSUA 11:10

Iatonna sulemo tu Yosua attu ia bangsiamoto, nataloi tu Hazor, sia napatei tu datunna, belanna iatonna dolona iatu Hazor indo’ tondokna mintu’ kadatuan iato.

KADA OMBO’ LAKO RASULU’ YOHANES 18:10

anna bendan mambela belanna ungkataku’ kadipakario-rioanna sia ma’kada nakua: A’a, a’a tondok Babel kapua, sia tondok matoto’! sangte’te’ri anna saemo tu ukungan urrampoiko.

TO PARENGNGE’ 1:7

Ma’kadami Adoni-Bezek, nakua: Pitungpulo tu datu tu dita’takki indo’ taruno limanna sia indo’ taruno lentekna, urruruk kande rondon diong sulluk medaku. Umba susitu penggaurangku lako kalena, susi dukamoto Napapakkanni Puang Matua lako kaleku. Nasolammi tau lako Yerusalem, namate dio.