2 SAMUEL 10:12 - Sura' Madatu

¹² La baraniko sia la lalongki’ belanna bangsata sia belanna mintu’ kotana Kapenombanta. Na PUANGmora umpogau’i tu apa naala penaanNa.

2 SAMUEL 10:12 ပူးပေါင်းရင်းမြစ်များ

2 SAMUEL 10:11

Nakuami Yoab: Iake nasau’na’ tu to Aram, la saeko untunduinna’ na iake nasau’ko tu to Amon, manassa la saena’ untunduiko.

2 SAMUEL 15:26

Apa iake Nakuai kadanNa kumua: Tae’mo Kuporaiko, inaanNa bang, da’ito anNa pogau’i lako kaleku tu Nasanganna melo.

1 OSSORANNA DATU 19:13

La batta’ko sia la lalongki’ belanna bangsata sia belanna mintu’ kotana Kapenombanta. Na PUANGmora umpogau’i tu apa naala penaanNa.

2 OSSORANNA DATU 32:7

Pabatta’i tu penaammi sia la baranikomi, da mimataku’ sia da mitiramban untiroi tu datu Asyur sia mintu’ to buda nasolan belanna iatu urrondongki’ mandu matoto’ na iatu to nasolan.

NEHEMIA 4:14

Kutiromi angku ke’de’ sia ma’kada lako tu mai to la’bi’, pangulu sia mintu’ to buda, kukua: Da mikataku’i tu tau iato mai; kilalai tu Puang pasareongan sia dikabangnga’, ammi pararian mintu’ siulu’mi, anakmi muane sia anakmi baine, bainemi sia banuammi.

NEHEMIA 4:8

sia sipakulu-kulu la ke’de’ ullaoi Yerusalem sia umpamarukkai.

ESTER 4:16

Malekomi mirampunni tu mintu’ to Yahudi lan Susan, ammi ma’puasa tallungallo belanna aku, da mikumande sia mangiru’ la bonginna la allona. Ia duka tu aku sola mintu’ to ma’kamayaku baine la ma’puasakan, namangkato kumane male mennolo lako datu, moi na tangia atoran; iake la kuposanggangi, da’ito kusanggang.

AYUB 1:21

Ma’kale-kalena’ tassu’ lan mai pa’tambukanna indo’ku, la ma’kale-kale dukana’ sule lako. PUANG mangka umpa’benganni, PUANG mangka unnalai sule sanganNa PUANG la dipudi.

KADIBILANGAN 13:20

sia matumbari tu padangna, malomporaka ba’tu madokoraka, denraka to’ kayu dio, ba’tu tae’? La baranikomi unnala bua kayu sia bura padang mibaai dio mai. Attu iato sirupang bunga’ peanggorosan.

1 KORINTUS 16:13

Mareakomi, tontongkomi tumanan umposissarean kapatonganan, umpapiamuanekomi kalemi, sia mawatangkomi.

PA’TOLE 31:6

La matoto’komi sia barani, da mimataku’ sia ma’parondo lako tau iato, belanna PUANG, Kapenombammumo, Kalenamo ussolangko; tae’ Nala ussa’biangangko sia tae’ Nala untampeko.

PA’TOLE 31:7

Attu iato natambaimi Musa tu Yosua sia nakua ungkuanni dio tingayona mintu’ to Israel, nakua: Matoto’ko sia barani, belanna ikomo la rampo tama tondok sola te bangsa iate, tu mangka Naallu’ PUANG lako nene’ to dolona tau iato Napalaoi sumpa, kumua la umbenni sia la umpaketaa mana’i tu tau iato.

IBRANI 11:33

Bannang dio dukamora kapatonganan anna untalo ba’tu pira-pira parenta, umpogau’ kamaloloan, unnappa’i tu apa diallu’, ungkamummu’ sadang singa,

IBRANI 13:6

Naurungan batta’ki’ ma’kada, kumua: Puangmo tu To patunduangku, tae’ kula mataku’ len. Apara la nagauranna’ telino?

YOSUA 1:18

Minda-minda umbali parentami sia tae’ naperangii tu kadammi lan mintu’ apa mipesuan lako kalena, manassa la dipatei. Podo ammi batta’ sia lalong.

YOSUA 1:9

Tang Kupepasananraka lako kalemu, kumua la batta’ko sia lalong? Da muma’parondo sia magiang, belanna PUANG, Kapenombammu, urrondongko umba-umba muola.

TO PARENGNGE’ 10:15

Ma’kadami tu to Israel lako PUANG, nakua: Umpogau’mokan kasalan. Pogau’ bangmi lako kaleki tu Misanganna melo, podo Mirampanangkan te allo iate!

1 SAMUEL 14:12

Mebalimi tu surodadu pa’kampa lako Yonatan sia lako pa’takinna, nakua: Kendekkimokan mai, angki benkomi taami. Ma’kadami Yonatan lako pa’takinna, nakua: Kendekmoko mai unturu’na’, belanna Nasorongmo PUANG tama limanna to Israel.

1 SAMUEL 14:6

Ma’kadami tu Yonatan lako pa’takinna nakua: Talamban lian pa’kampan surodadunna tu to tang disunna’. Den sia manii upa’ Natunduiki’ PUANG, belanna tae’ Nakasuliranni PUANG la umpa’bengan kadirampanan umpobannang kabudan ba’tu kasidiranna tau.

1 SAMUEL 17:32

Ma’kadami Daud lako Saul, nakua: Moi misa’ tau da naranggang penaanna belanna iatu to Filistin iato; na akumora, kaunanmi male sirari tu tau iato.

1 SAMUEL 3:18

Napokadammi Samuel tu mintu’ kada iato, moi sangbuku kada tae’ nabuni len. Nakuami Eli: Iamo Ia PUANG, da’ito anNa pogau’i tu apa Nasanga melo dio pentiroNa.

1 SAMUEL 4:9

La baranikomi sia la lalongkomi, e to Filistin, da napokaunankomi to Ibrani, susi tommi pokaunanni tu tau iato mai. Pa’pekitananni tu kapia muaneammi ammi parari tongan-tongan.