2 SAMUEL 1:23 - Sura' Madatu

²³ Iatu Saul sia Yonatan, tu naala penaanna sia nakamasei to buda lan katuoanna, tae’ duka nasitampe lan kamateanna. Mandu ia malinta’ sola duai anna langkan maega sia matoto’ anna singa.

2 SAMUEL 1:23 ပူးပေါင်းရင်းမြစ်များ

2 SAMUEL 1:24

E kamu, anak dara Israel, tangi’i tu Saul tu umpakeikomi sampin karamisi ma’ba’na, tu umpale’ke’i belo bulaan tu pakeammi.

2 SAMUEL 2:18

Dio duka ren tu tallu muane, anakna Zeruya, iamotu Yoab, Abisai na Asael; iatu Asael malinta’ susi donga dio lu padang.

2 SAMUEL 23:20

Sia iapa tu Benaya, anakna Yoyada, anakna misa’ pa’barani, tu tarompo’ penggauranna, dio mai Kabzeel; iamote tu umpatei da’dua pa’barani lalong dio mai Moab. Den duka sangallo tonna attunnamo ambun makko namengkalao rokko garuang, napatei tu misa’ singa diong.

1 OSSORANNA DATU 12:8

Iatu to Gad den duka pira menturu’ lako Daud, tonna lan tambakuku dio padang pangallaran, pa’barani lalong, to malinta’ parari, to umbaa pa’buno balulang na doke, iatu rupanna tau iato mai susi singa, sia matira’ susi kijang, iamotu:

AYUB 9:26

Sumayo bang susito lopi tille, susito langkan maega ussiok pealanna.

SARAMBU PEADA’ 30:30

Iamotu singa, lalongna mintu’ olo’-olo’, tu tang sorong boko’ dio mai misa’ apa, ba’tu dio mai misa’ tau.

PA’TENDENG BALLO 5:16

Iatu mai lingarona kamatapparan manna, sia iatu mintu’ dio kalena mepasendena manna. Susimo a’ganna to tu andi’ pa’kaboro’ku, susimo garaganna to tu sangkalamma’ku e, mintu’ anak dara Yerusalem.

YEREMIA 4:13

Tiromi, kendekmo susi gaun tikembong; sia iatu mintu’ karetana butung angin bara’, na iatu mintu’ darangna mandu matira’ anna langkan maega: upu’ allota belanna sanggangmoki’.

BATING 4:19

Mintu’ to unnula’ki’ matira’ ia anna langkan maega dao langi’, masarrang tongan unnula’ki’ dao buntu, sia naodo’ki’ dio lu padang pangallaran.

PA’TOLE 28:49

PUANG la umpasae misa’ bangsa ullaoiko, tu sae dio mai tondok mambela, dio mai randan langi’, susito langkan maega mettia’, iamotu misa’ bangsa tae’ mitandai basana,

TO PARENGNGE’ 14:18

Iatonna allo ma’pempitu, tonna tae’pa nalambun tu allo, ma’kadami lako tu muane dio lu kota iato, nakua: Apara tu mandu matanning anna tani’ enoan, apara tu mandu mawatang anna misa’ singa? Apa mebali tu Simson lako, nakua: Iakenna tae’ ammi pa’tengkoanni tu anak sapingku, manassa tae’ mitandai battuananna tu karrumeku.

1 SAMUEL 18:1

Iatonna mangkamo tu Daud ma’kada lako Saul, la’ka’mi penaanna Yonatan lako Daud sia nakamasei Yonatan susi kalena.

1 SAMUEL 20:2

Mebalimi tu Yonatan nakua: La mambela ia tu iannato, manassa tae’ mula dipatei. Iatu ambe’ku tae’ nabelai umpogau’ misa’ apa, la kapua, la bitti’, ke tang napokadanna’ dolo. Ma’apari nala umbunianra’ ambe’ku tu iannato? Tae’ nasusito.