2 SAMUEL 1:20 - Sura' Madatu

²⁰ Da’ mipalelei tu iannato dio lu Gat, sia da’ mipatale’i dio lu mintu’ lalan Askelon, da’ anna parannu-rannu tu mintu’ anak dara to Filistin, sia da’ naunnarrak-arrak tu anak dara to tang disunna’!

2 SAMUEL 1:20 ပူးပေါင်းရင်းမြစ်များ

YEHEZKIEL 16:27

Apa manassa Kue’te’mo tu limangKu unneako, Kupasosso’mo tu taa dipamanassangko sia Kusorongko lako pa’poraianna to ungkabiri’ko, iamotu anak dara to Filistin, tu masiri’ diona kedo mesirisammu.

YEHEZKIEL 16:57

tonna tae’pa nadipasombo tu kakadakeammu, susi duka totemo attunnamo, munii attangan lako mintu’ anak dara Aram sia mintu’ sanglembangna sia lako anak dara to Filistin, tu naala la’de’na ussayuko tiku lao.

MIKHA 1:10

Da mipokadai tu apa iato dio Gat, da duka mitumangi’ dio! Pentombanganni tu kalemi diong to’ barra’-barra’ dio Afra.

TO PARENGNGE’ 11:34

Iatonna sulemo tu Yefta lako Mizpa, lako to’ banuanna, natiroi tassu’mo tu anakna umpessitammui, umpannoni ganda’-ganda’ sia ma’gellu’. Iamo anak tungga’na, tae’mo anak senga’na la muane la baine.

TO PARENGNGE’ 14:19

Narampoimi PenaanNa PUANG tu Simson, anna male lako Askelon umpatei tallungpulo muane dio, naala nasangi tu mintu’ tamangkalena, anna benni tu pakean iato tu to untandai karrumena. Apa re’dek bang tu ara’na, iamoto nasule lako banuanna ambe’na.

1 SAMUEL 14:6

Ma’kadami tu Yonatan lako pa’takinna nakua: Talamban lian pa’kampan surodadunna tu to tang disunna’. Den sia manii upa’ Natunduiki’ PUANG, belanna tae’ Nakasuliranni PUANG la umpa’bengan kadirampanan umpobannang kabudan ba’tu kasidiranna tau.

1 SAMUEL 17:26

Ma’kadami tu Daud lako tu to nasikandappiran bendan, nakua: La dipatumbai tu to umpatei tu to Filistin iato dio, sia tu ussamboi siri’na to Israel? Na minda toda ia tu to Filistin tang disunna’i tu, anna unnape tuntunan surodadunNa Puang Matua matontongan?

1 SAMUEL 17:36

Moi singa moi beruang kupatei duka. Na iatu to Filistin tang disunna’i iato la dipasusi misa’ tu olo’-olo’ iato, belanna naape tu tuntunan surodadunNa Puang Matua matontongan.

1 SAMUEL 18:6

Iatonna sulemo tu tau iato mai sola Daud, tonna mangka tu Daud untalo to Filistin iato, tassu’mi tu mintu’ baine lan mai mintu’ tondok to Israel, anna marran-marran menani untammui datu Saul, umpannoni ganda’-ganda’ sia ma’dandan sia unnarrak-arrak umpannoni giring-giring.

1 SAMUEL 31:4

Ma’kadami Saul lako bentarana, nakua: Nonokki tu pa’dangmu, mutobokna’, ke da duka na iate to tang disunna’ sae untobokna’ sia unna’ga-a’gana’. Manokami tu bentarana, belanna lendu’ mataku’na la umpogau’i to, iamoto naala kalenai Saul tu pa’dang, anna songkanni tu kalena rokko.

1 SAMUEL 6:17

Iamote tu mintu’ bundang bulaan, tu nasorong to Filistin lako PUANG la ullendokan kasalan, iamotu Asdod sangbatu, Gaza sangbatu, Askelon sangbatu, Gat sangbatu na Ekron sangbatu.