2 SAMUEL 1:2 - Sura' Madatu

² Iatonna allo ma’pentallun ta’kala saemi misa’ tau dio mai to’ surodadu nasolan Saul, serek-serekmo tu pakeanna sia ponno barra’-barra’ dao ulunna; tonna rampomo lako Daud, menombami tukku sae rokko padang.

2 SAMUEL 1:2 ပူးပေါင်းရင်းမြစ်များ

KADADIAN 22:4

Iatonna ma’tallung alloammo nabangunammi Abraham tu matanna anna tiro mambelai tu inan iato.

KADADIAN 37:29

Iatonna sulemo tu Ruben lako to’ bubun, natiroi, a’a ta’demo tu Yusuf diong bubun, naserek-serekmi tu pakeanna.

KADADIAN 37:34

Naserekmi Yakub tu tamangkalena, anna pododo karoro’ sia ma’barata ba’tu pirang-pirang allo diona tu anakna.

KADADIAN 43:28

Mebalimi tu tau iato mai: Iatu kaunanmi ambe’ki malaga’-laga’ sia, sia tuopa. Unnundumi tu tau iato mai sia tukku rokko padang.

2 SAMUEL 1:3

Nakuami Daud lako: Umba munii sae? Mebalimi nakua: Lussu’na’ lan mai to’ surodadu to Israel.

2 SAMUEL 13:19

Napalangannimi barra’-barra’ Tamar tu ullunna sia naserek-serek tu bayu maa’na tu napake, anna pa’lullungi tu limanna, anna marassan sia male marassan sia unnurruk-urruk tumangi’.

2 SAMUEL 14:4

Iatonna mennolomo tu baine Tekoa lako datu, tukkumi rokko padang menomba anna ma’kada nakua: O puangku, tunduina’!

2 SAMUEL 15:32

Iatonna rampomo Daud langngan botto tanete, tu inan nanii tau biasa menomba langngan Puang Matua, sitammumi Husai, to Arki, tu ma’bayu lamba’ serek-serek sia ponno barra’-barra’ tu ulunna.

2 SAMUEL 24:20

Mentiromi tu Arauna, natiroi tu datu sola mintu’ taunna sae umpellambi’i, tassu’mi tu Arauna umpenombai datu tukku sae rokko padang.

2 SAMUEL 4:10

akkenna dolona dio Ziklag kutingkan sia kupatei tu to umbaa kareba lako kaleku, nakua: Matemo tu Saul, moi anna sanga kalena pebaa kareba melo, apa susite kuben tu saro pebaa karebanna.

ESTER 4:16

Malekomi mirampunni tu mintu’ to Yahudi lan Susan, ammi ma’puasa tallungallo belanna aku, da mikumande sia mangiru’ la bonginna la allona. Ia duka tu aku sola mintu’ to ma’kamayaku baine la ma’puasakan, namangkato kumane male mennolo lako datu, moi na tangia atoran; iake la kuposanggangi, da’ito kusanggang.

ESTER 5:1

Iatonna allo ma’pentallun umpakemi pakean kadatuan tu Ester, namale bendan lako tingayo bilik lanna lu tongkonan layukna datu sitingoan bilik datu, tonna unnisung tu datu dao isungan kapayunganna lan bilik datu sitingoan lalan tama bilik iato.

PA’PUDIAN 66:3

La ma’kadakomi lako Puang Matua, kumua: Lendu’ metakuranna tu mintu’ penggauramMi, mintu’ duka ualimMi pudukna bangri mengkanorong Mati’ belanna kuasa kapuamMi.

YEHEZKIEL 27:30

Tau iato mai silallakan untangi’iko sia mapalla tongan anna ma’urrukan, napalangnganni barra’-barra’ tu ulunna sia mentombang lan to’ au.

HOSEA 6:2

Naupu’ duang allo to, Napatuoki’ sule, ke allo ma’pentallunna Napamalimbangunki’, anta tuo dio oloNa.

YOËL 2:13

Sessei tu penaammi, da na iatu tamangkalemi sia mengkatoba’komi lako PUANG, Kapenombammi. Belanna sumpu mamase sia sa’pala buda tu Puang, kalando pesuka’ sia kapua kamasokananNa, sia Napenassanni tu diona kamandasan.

MATIUS 12:40

Belanna susi nabi Yunus tallung allo tallung bongi lan tambuk bale kapua, susi dukato tu Anak rampan dilino la lan maririnna litak tallung allo tallung bongi masainna.

MATIUS 16:21

Randuk tonna iato Napa’peissanammi Yesu lako anak gurunNa kumua sipatu la lao lako Yerusalem anNa perasai buda parri’ dio mai pekaamberan sia dio mai pangulu to minaa sia pandita Sura’, naurunganni dipatei, Nadipamalimbangun sule tonna allo ma’pentallun.

YOSUA 7:6

Naserek-serekmi Yosua tu pakeanna, anna lumbang rokko padang dio tingayo pattinNa PUANG sae lako makaroeanna, la ia la mintu’ pekaamberanna to Israel, sia naambo’i barra’-barra’ tu ulunna.

KADA OMBO’ LAKO RASULU’ YOHANES 3:9

Tiromi, Kusorongi ba’tu pira-pira tau dio mai banua pa’kombonganna deata bulituk, tu ussanga kalena to Yahudi apa tangngia, sangadinna mo’rang, tiromi, la Kupasae tu tau iato mai menomba dio to’ lentekmu, anna akui kumua Kukamaseiko.

1 SAMUEL 20:41

Iatonna malemo tu pia iato, to’long lu lo’mi mai tu Daud, anna tukku rokko padang menomba pentallun; siudungmi sia sitangiran sola duai, naurunganni unni’duk-i’duk tumangi’ tu Daud.

1 SAMUEL 25:23

Iatonna tiromi Abigail tu Daud, salasami mengkalao dao mai keledainna anna menomba sia tukku sae rokko padang dio olona Daud,

1 SAMUEL 4:12

Lussu’mi misa’ to Benyamin dio mai pa’telangan kasirarian anna rampo lako Silo allo ia dukato, titepu-tepu bangmo tu tamangkalena sia barra’-barra’ daomo ulunna.

1 SAMUEL 4:16

Nakuami tu tau iato lako Eli: Iatu aku te lu diona’ mai pa’telangan kasirarian; allo ia duka te angku mallai dio mai pa’telangan kasirarian. Nakuami Eli: Apara dadi dio, e anakku?