2 SAMUEL 1:16 - Sura' Madatu

¹⁶ Nakuami Daud lako: Iatu raramu ma’indo’ dio iko kalemu, belanna pudukmu kalena ussa’biiko, nakua: umpateina’ to Natokko PUANG.

2 SAMUEL 1:16 ပူးပေါင်းရင်းမြစ်များ

2 SAMUEL 1:10

Kureke’mi lako angku patei, belanna kuissan, kumua ianna songkamo pissan, tae’mo katuoanna. Angku alai tu makota dao ulunna sia iatu ponto lan lengo-lengona; iamote kubaa lako puangku.

2 SAMUEL 16:8

Napabala’imo PUANG lako kalemu tu rarana bati’na Saul tu musonda dadi datu, sia Nabenmo PUANG Absalom, anakmu tu kadatuan; manassa lanko kamandasan totemo, belanna misa’ko to pa’patibollo rara.

1 DATU 2:37

La muissan melo, kumua iake tassu’ lenko, ammu lamban salu Kidron, manassa la mateko dipongko na iatu raramu iko kalena urrengnge’i.

AYUB 15:6

Lilamu kalena umpasalako, tangia aku; ondongpi pudukmu kalena ussa’biiko, kumua salako.

SARAMBU PEADA’ 6:2

iake napoyamoko kada sun dipudukmu, sia natingkanmoko ba’tikan dara’ lengko lilamu –

YEHEZKIEL 18:13

na umpalaku denne’, ke ma’peindanni sia ussanta’ denne’, la tuo siaraka tu tau susito? Tae’ nala tuo, belanna mangkamo umpogau’i te mintu’na apa megallian iato. Manassa la mate dipatei. La sule lako kalena tu rara mangka napatibollo.

YEHEZKIEL 33:5

Narangimo tu oni napiri tanduk, apa manoka dipakilala; manassa iatu rarana la sule langngan ulunna; ke naturu’i tu pa’pakilala manassa napotilendok katuoanna dio mai kamatean.

SURA’ KATOMINAAN 20:16

Iake den baine lao umpentireke’i olo’-olo’ la sikaromok, la mipatei tu baine sola tu olo’-olo’ iato; manassa la dipatei, anna passan kalenai tu rarana.

SURA’ KATOMINAAN 20:27

Iake denni misa’ muane ba’tu baine natamai bombo to mate anna ma’kada ba’tu unnampui penaa pakita-kita, manassa tau iato la dipatei; sia nasileba’i batu tau, anna passan kalenai tu rarana.

SURA’ KATOMINAAN 20:9

Iake denni misa’ tau, tu unggatai ambe’na ba’tu indo’na, manassa tau iato la dipatei, belanna unggatai ambe’na ba’tu indo’na, iamoto anna passan kalenai tu rarana.

MATIUS 27:25

Mebalimi tu mintu’ to buda, nakua: Na kalekimora sola nasang sia tarukki natirampanni tu raraNa.

LUKAS 19:22

Nakuami tu puangna lako: E kaunan kadake, la kuparundu’i ukungammu tu sunna dio pudukmu! Muissanmo kumua aku te to makarra’ penaangku, unnala bangna’ tang pangannaku, umpeburai bangna’ tang pantananku.

PENGGAURANNA RASULU’ 18:6

Apa iatonna mangea tu tau sia ma’kada solang, narimbakammi tu pakeanna sia ma’kada lako tu tau nakua: Narampoi misamorokomi kamu tu kasanggangan; tae’mo aku na aku sala; randuk te attu iate angku la lu lako to kapere’.

PENGGAURANNA RASULU’ 20:26

Iamoto angku pamanassai lako kalemi te allo iate kumua maserona’ dio mai rarana mintu’ tau.

ROMA 3:19

Apa taissan kumua samami dipokada lan Sukaran aluk, iamoto tu dipokadan to mengkanorong lako Sukaran aluk, dikua anna titutu’ nasang pudukna sia mintu’ issinna lino sipatu Napakannai ukungan Puang Matua.

PA’TOLE 19:10

kumua da napatibolloi tu rara tang kasalan lan tondok, tu la Nasorongangko PUANG, Kapenombammu, mupotaa mana’, sia da ammu dipa’tuntunni to’doan rara.

YOSUA 2:19

Minda-minda tassu’ lan mai ba’ba banuammu, iatu rarana la sule langngan botto ulunna, na iatu kami maserokan to; apa minda-minda musolan lan banuammu, iatu rarana la sule langngan botto ulungki, ke denni misa’ tau umpata’pai lima.

TO PARENGNGE’ 9:24

kumua anna dipapakkanni tu pa’pakario-rio, tu diparampo lako pitungpulo anakna muane Yerubaal, iamotu kadipatibolloanna rarana, belanna Napasule Puang langngan botto ulunna Abimelekh, siulu’na, tu mangkamo umpatei sia Napopa’indo’ duka langngan botto ulunna to Sikhem, tu patunduan umpatei siulu’na Abimelekh.

1 SAMUEL 25:39

Iatonna rangimi Daud, kumua matemo tu Nabal, ma’kadami nakua: Mintu’na kapudian lu langngan PUANG tu untuntunanna’ kara-karaku sia umpakkanni lako Nabal tu kanalo’boangku sia Nadampamo tu taunNa la umpogau’ kadake sia iatu kakadakean Napasule PUANG langngan ulunna Nabal. Mangkato nasuami Daud tu tau male sipa’kada Abigail umpokadanni, kumua la napobaine.

1 SAMUEL 26:9

Apa nakua Daud lako Abisai: Da musanggangi tu datu, belanna mindara tu umpata’pai lima tu to Natokko PUANG, anna torro masero dio mai kasalan?