2 SAMUEL 1:14 - Sura' Madatu

¹⁴ Nakuami Daud lako: Ma’apai natae’ iko mumataku’ umpatikambe limammu la ussanggangi tu to Natokko PUANG?

2 SAMUEL 1:14 ပူးပေါင်းရင်းမြစ်များ

PA’PUDIAN 105:15

Nakua kadanna: Da mirumbui lako tu mati’ to mangka Kutokko, sia da mipogau’ kadakena lako mintu’ nabingKu!

BATING 4:20

Iatu penaa tassu’ dio to’ illongta, tu Natokko PUANG, didammak dio to’ kalo’tokna, tu tatangnga’ kumua: diong pentiongananna tanii tuo dio lu mintu’ bangsa.

KADIBILANGAN 12:8

PudukKu kalena sipa’kada pudukna, Kupamanassan tongan sia tae’ Kubunianni, sia natiro tu pa’kaleanNa PUANG, ma’apai anna tae’ mimataku’ unta’tanni tu taungKu Musa?

2 PETRUS 2:10

ondong polepi tu to umpalolang kalena unturu’ kamoraian pa’kalean lan kamailuan masarepa, sia tang umbilang mintu’ kapaan. Barani sia umpattuan penaanna sia tang magiang ullangdo mintu’ tu mai disanganna mala’bi’,

1 SAMUEL 10:1

Naalami Semuel tu misa’ gori-gori nanii minna’ busarungngu’, naboloanni langngan ulunna Saul, sia naudung, anna ma’kada nakua: Tang PUANG raka untokkoko la dadi arung mana’Na?

1 SAMUEL 12:3

Totemo ma’diorenmo’. Pamatu’tunmi lako kaleku dio oloNa PUANG sia dio olona to Natokko, kumua: mindamora sapi kuala, mindamora keledai kuala sia mindamora kupakario-rio sia mindamora tu tang kupaolai salunna? Sia mindamora lima kunii untarima pappe’ kuurunganni untutu’ matangku diona kara-karana? Iake denni susinnato la kusondai sule lako kalemi.

1 SAMUEL 24:11

Tonganna allo ia dukamote anna matammi kalena untiroi, kumua Nasorong PUANG te allo totemo tu puangku tama limangku lan lo’ko’ iate sia nakuammo’ tau la umpatei puang, apa kukanana’i tu puangku, sia kukua: Ma’apai kula umpata’pai lima tu datu, belanna iamo to Natokko PUANG.

1 SAMUEL 24:6

Apa iatonna mangkato, inang ma’rundede duka tu penaanna Daud, belanna mangkamo nase’pa’i tu biring bayu lamba’na Saul.

1 SAMUEL 24:7

Ma’kadami lako taunna nakua: Napatoyangna’ PUANG dio mai umpogau’i tu apa susite lako datungku tu mangka Natokko PUANG, iamo tu la umpata’pa limangku lako, belanna iamo to Natokko PUANG.

1 SAMUEL 26:11

Napatoyangmora’ PUANG la umpata’pai lima tu to Natokko PUANG. Totemo alami tu dokena tu dio to’ ulunna sia iate busso, anta male.

1 SAMUEL 26:9

Apa nakua Daud lako Abisai: Da musanggangi tu datu, belanna mindara tu umpata’pai lima tu to Natokko PUANG, anna torro masero dio mai kasalan?

1 SAMUEL 31:4

Ma’kadami Saul lako bentarana, nakua: Nonokki tu pa’dangmu, mutobokna’, ke da duka na iate to tang disunna’ sae untobokna’ sia unna’ga-a’gana’. Manokami tu bentarana, belanna lendu’ mataku’na la umpogau’i to, iamoto naala kalenai Saul tu pa’dang, anna songkanni tu kalena rokko.