2 SAMUEL 1:10 - Sura' Madatu

¹⁰ Kureke’mi lako angku patei, belanna kuissan, kumua ianna songkamo pissan, tae’mo katuoanna. Angku alai tu makota dao ulunna sia iatu ponto lan lengo-lengona; iamote kubaa lako puangku.

2 SAMUEL 1:10 ပူးပေါင်းရင်းမြစ်များ

2 SAMUEL 1:16

Nakuami Daud lako: Iatu raramu ma’indo’ dio iko kalemu, belanna pudukmu kalena ussa’biiko, nakua: umpateina’ to Natokko PUANG.

2 SAMUEL 1:9

Ma’kadami lako kaleku, nakua: Maiko pateina’, belanna langga’mo tu kaleku, apa tontong siapa tu ma’pamurru’na.

2 SAMUEL 12:30

Naalai tu makota dao mai ulunna datunna tau iato mai, sangtalenta tu bulaanna, diparimatai intan, anna pasongko’i tu Daud. Sia buda duka pangrampa nabaa datu lan mai tondok iato.

2 DATU 11:12

Nasolammi lako salian tu anakna muane datu, napasongko’i makota, sia naben Kasa’bian. Susimoto tu tau iato mai unnangka’ datu; natokko, anna massala’pa-la’pa tu tau iato mai sia metamba-tamba nakua: Na maupa’mora tu datu!

BATING 5:16

Iatu makota tobangmo dao mai ulungki, upu’ alloki, belanna umpogau’mokan kasalan!

MATIUS 7:2

Belanna iatu mininna ma’pasala, ia pole’ la dinii umpasalakomi, sia iatu sukaran mipassukaran tau, ia duka la dipassukarangkomi.

TO PARENGNGE’ 1:7

Ma’kadami Adoni-Bezek, nakua: Pitungpulo tu datu tu dita’takki indo’ taruno limanna sia indo’ taruno lentekna, urruruk kande rondon diong sulluk medaku. Umba susitu penggaurangku lako kalena, susi dukamoto Napapakkanni Puang Matua lako kaleku. Nasolammi tau lako Yerusalem, namate dio.

TO PARENGNGE’ 9:54

Natambaimi madomi’ tu taunna tu umbaa pa’bunona, anna ma’kada lako nakua: Nonokki tu pa’dangmu ammu pateina’, da napokadai tau tu diona aku kumua: misa’ baine mangka umpatei. Ta’pa natobokmi taunna, anna mate.

1 SAMUEL 22:18

Nakuami datu lako Doëg: Iamo, rokki tu mintu’ to minaa iato. Malemi lako tu Doëg, to Edom, narokki tu mintu’ to minaa, napatei to allo iato tu muane karuapulona llima tu ma’bayu lamba’ mabusa.