2 OSSORANNA DATU 7:9 - Sura' Madatu

⁹ Iatonna allo ma’pengkarua ma’kombongammi umpakaraya allo kapua iato, belanna iatu mangrara inan pemalaran napakarayamo lan pitung allo; na iatu pa’maruasan kapua pitung allo duka.

2 OSSORANNA DATU 7:9 ပူးပေါင်းရင်းမြစ်များ

1 DATU 8:2

Ma’rampunmi tu mintu’ muane to Israel lako datu Salomo, la umpakaraya pa’gauran lan bulan Etanim, iamotu bulan ma’pempitu.

1 DATU 8:65

Attu iato napakarayami Salomo sola mintu’ to Israel tu allo kapua, iamotu misa’ kasirampunan kapua, randuk dio mai lalan lu lako Hamat sae lako salu’-salu’ Mesir, dio oloNa PUANG, Kapenombanta, lan pitung allo sia pitu pole’pa allona, sangpulo a’pa’ allona mintu’.

2 OSSORANNA DATU 30:23

Umpadenmi kasiturusan tu mintu’ kombongan la umpogau’pi tu pa’maruasan pitung allo, napogau’mi tu pa’maruasan situang kasendean.

2 OSSORANNA DATU 7:10

Iatonna allo ma’penduangpulona ntallu bulan ma’pempitu, naelorammi datu tu to buda sule lako tendana, siparannu-rannu sia matana penaa diona kameloan Napogau’ PUANG lako Daud sia Salomo sia lako to Israel, taunNa.

NEHEMIA 8:18

Iatu mintu’ kombongan to sule dipali’ unggaragai kalumba anna torro lan. Iatu susinna to tae’ lenpa napogau’i to Israel randuk dio mai linona Yosua, anakna Nun, sae lako allo iato. Bu’tumi kaparannuan kapua.

KATASSURAN 29:37

Pitung allo la munii umpadenanni pengkalossoran sia la mupamaindanan tu inan pemalaran iato, anna tarru’ maindan; minda-minda ungkaka’i tu inan pemalaran iato la maindan.

YOËL 1:14

Pamaindanni tu misa’ allo pa’puasan, pasirampunni tu misa’ kasirampunan kamenomban; e kamu pekaamberan, rampunni tu mintu’ tau lan tondok lako banuanNa PUANG, Kapenombammi sia metamba-tambakomi lako PUANG.

SURA’ KATOMINAAN 23:36

Lan pitung allo la minii umpemalaran pemala’ pantunu lako PUANG; sia iake allo ma’pengkarua la den tu pa’kombongan maseromi sia la mipemalaran tu pemala’ pantunu lako PUANG; iamote tu allo dipamadatu, allo iato da mikarang dakaran kandemi.

KADIBILANGAN 7:10

Nabaa duka arung tu mai pamengan lako tu inan pemalaran dirara, tonna allo dinii umminnakki; nabaa arung tu pamengan pemala’na dio tingo inan pemalaran.

PA’TOLE 16:8

Lan annan allona munii la ungkande roti tang diragii, na allo ma’pempitu la den kasirampunan allo kapua la umpakala’bi’ PUANG, Kapenombammu, allo iato da mumengkarang.