2 OSSORANNA DATU 7:3 - Sura' Madatu

³ Iatonna tiromi mintu’ to Israel tu api sia iatu kamala’biranNa PUANG songlo’ dao banua iato, malinguntu’mi tu tau iato mai natukku sae rokko padang diong sali, anna menomba umpudi-pudi PUANG, nakua: Belanna masokan Ia, belanna iatu kamasokananNa tang leluk sae lakona.

2 OSSORANNA DATU 7:3 ပူးပေါင်းရင်းမြစ်များ

1 DATU 18:39

Iatonna tiroi to buda tu iannato, tukkumi sae rokko padang, nama’kada nakua: PUANG, Iamo Kapenomban, PUANG, Iamo Kapenomban.

1 OSSORANNA DATU 16:34

Pudimi tu PUANG, belanna masokan Ia, sia iatu kamasokananNa tang tileluk sae lakona.

1 OSSORANNA DATU 16:41

Sisola tu tau iato den tu Heman sola Yedutun na iatu to senga’ ditonno’mo, tu dipamanassamo sanganna la umpenanian Puang, kumua: Pudimi tu PUANG, belanna iatu kamasokananNa tang tileluk sae lakona.

1 OSSORANNA DATU 29:20

Mangkato nakuami Daud lako mintu’ kombongan: Pudimi tu PUANG, Kapenombammi. Napudimi mintu’ kombongan tu PUANG, Kapenombanna nene’ to dolona, anna malinguntu’ sia tukku menomba dio oloNa PUANG sia dio olona datu.

2 OSSORANNA DATU 20:18

Attu iato iatu Yosafat tukku sae rokko padang, sia mintu’ to Yehuda sia mintu’ pa’tondokan Yerusalem lumbang rokko padang dio oloNa PUANG, la umpenombai PUANG.

2 OSSORANNA DATU 20:21

Sipa’kadami datu tu mai to buda, anna pasirundunanni tu ba’tu pira-pira to la umpenanian sia umpudi-pudi PUANG ma’kassa’ umpopake pakean maindan, anna doloanni tu to ma’pa’buno sia ma’kada, nakua: Pudimi tu PUANG, pa masokan Ia, belanna kamasokananNa tang leluk sae lakona.

2 OSSORANNA DATU 29:28

Sangtukkuammi tu mintu’ kombongan menomba, sia dipopenani tu nanian sia dipannoni tu tarompe’ – mintu’nate dipogau’ sae lako upu’na tu pemala’ ditunu pu’pu’.

2 OSSORANNA DATU 29:29

Iatonna mangkamo memala’ tu tau iato mai, malinguntu’mi tu datu sola mintu’ tau nasolan, anna tukku menomba.

2 OSSORANNA DATU 29:30

Mangkato mesuami tu datu Hizkia sola mintu’ pangulu lako to Lewi, la umpudi PUANG ussa’bu’ kadanna Daud sia Asaf, to patanda-tandan. Napopenanimi tu pa’pudi-pudian siparannu-rannu, malinguntu’ sia tukku menomba.

2 OSSORANNA DATU 5:13

Iatonna marassan sola nasang umpannoni tarompe’ sia umpasiala gamaranna tu mintu’ to menani la umpudi sia umpangke’ PUANG, sia umpekapuai gamaranna napasibara’ tarompe’, taa’-taa’ sia oni-onian senga’, sia umpudi PUANG, kumua: Belanna masokan Ia, belanna iatu kamasokananNa tang leluk sae lakona –, pakalan iatu banua iato, iamotu banuanNa PUANG, nakapu’ sangkombong salebu’,

EZRA 3:11

Sibali-balimi tu tau iato mai menani umpudi sia umpakaraya PUANG nakua: belanna masokan, sia belanna iatu kamasokananNa tang tileluk sae lakona lako to Israel. Mandumi siarrakan tu mintu’ to buda sia umpudi PUANG, belanna tiotonmo tu parandangan banuanNa PUANG.

PA’PUDIAN 100:5

Belanna iatu PUANG masokan, na mamaseNa tontong sae lakona, sia iatu kamarurusanNa landa’ lako disituran-turananni.

PA’PUDIAN 103:17

Apa iatu kamasokananNa PUANG tempon dio mai landa’ lako attu situran, lako mintu’ to ungkataku’I, sia iatu kamaloloanNa untaranak lanto mimi’na.

PA’PUDIAN 106:1

Haleluya! Pudimi tu PUANG, belanna masokan Ia, sia iatu kamasokananNa tang tileluk sae lakona.

PA’PUDIAN 107:1

Pudimi tu PUANG, belanna masokan Ia, sia iatu kamasokananNa tang tileluk sae lakona.

PA’PUDIAN 118:1

Pudimi tu PUANG, belanna masokan Ia. Sia iatu kamasokananNa tang tileluk sae lakona.

PA’PUDIAN 95:6

Maikomi anta tukku menomba, anta malinguntu’ dio oloNa PUANG, Totumampata.

KATASSURAN 4:31

Napatonganmi to buda tu kadanna Musa sia iatonna rangimi, kumua Nakilalaimo PUANG sia Natiromo tu kamaparrisanna, tukkumi menomba.

YESAYA 63:7

La ussa’bu’na pa’kamaseanNa PUANG sia penggauran kapudianNa PUANG sitinaya tu mintu’ Napogaurangki’ PUANG sia kamasokanan kapuaNa lako bati’na Israel, tu Napakitan tau iato mai sitinaya kamamaseanNa sia kabudanna pa’kaboro’Na.

YEREMIA 33:11

La dirangi pole’omo tu arrak kaparannuan sia kamaruasan sia gamara to ma’rampanan kapa’ sia gamaranna tu mintu’ tau nakua: Pudimi tu PUANGna mintu’ ma’dandan maritik, belanna masokan tu PUANG, belanna iatu kamasokananNa tang leluk sae lakona! iake umbaai pemala’ pa’pudian tama banuanNa PUANG; belanna la Kupopembali tu toto’na te tondok iate, naurunganni susito dolona, kadanNa PUANG.

SURA’ KATOMINAAN 9:24

Tassu’mi tu api dio mai oloNa PUANG ungkandei tu pemala’ ditunu pu’pu’ sia iatu mintu’ lompo tiira’na dao inan pemalaran; iatonna tiromi bangsa iato tu iannato, siarrakammi anna tukku sae rokko padang.

KADIBILANGAN 14:5

Attu iato lumbangmi Musa sola Harun dio pentirona mintu’ kombongan kasirampunanna to Israel.

KADIBILANGAN 16:22

Attu iato lumbangmi sola dua rokko padang, anna ma’kada nakua: O Puang Matua, Kapenombanna sunga’na mintu’ batang kale; iake misa’ri muane kasalan, la re’dekraka ara’Mi lako mintu’ kasirampunan?

LUKAS 1:50

manassa iatu kamamaseanNa tontong nasiosso’i mintu’nato ungkataku’I.