2 OSSORANNA DATU 5:4 - Sura' Madatu

⁴ Iatonna sae nasangmo tu pekaamberanna to Israel, naangka’mi mintu’ to Lewi tu patti.

2 OSSORANNA DATU 5:4 ပူးပေါင်းရင်းမြစ်များ

1 DATU 8:3

Iatonna sae nasangmo tu pekaamberanna to Israel, naangka’mi mintu’ to minaa tu patti,

1 OSSORANNA DATU 15:2

Attu iato nakuami Daud: Moi misa’ tau tae’ nama’din umbulle pattinNa Puang Matua sangadinna to Lewi, belanna tau iato mai tu Natonno’ PUANG la umbulle pattinNa PUANG sia la umpengkaolai sae lakona.

2 OSSORANNA DATU 5:5

Anna baai langngan tu patti iato sia Tenda Kasitammuan sia mintu’ pareanan maindan tu lan tenda iato; iatu umbaai langngan, iamotu mintu’ to minaa to Lewi.

2 OSSORANNA DATU 5:7

Iatu patti basseNa PUANG nabaa to minaa tama inanna, iamotu bilik dio boko’ lan banua iato, iamotu bilik tarru’ maindan diongna lu pani’ karubion,

KADIBILANGAN 4:15

Iake la ke’de’mi tu tau dio mai to’ tenda sia iake mangkami tu Harun sola anakna ussamboi tu apa maindan sia mintu’ pareanan maindan, namane tama tu to Kehat la umbullei; apa da’ narumbui tu apa maindan iato, kumua da’ namate tu tau iato. Iate pareananna Tenda Kasitammuan sipatu nabulle to Kehat.

YOSUA 3:6

Ma’kadami tu Yosua lako mintu’ to minaa, nakua: Angka’i tu patti basse, ammi lumingka undoloan to buda. Naangka’mi tu patti basse, anna lumingka undoloan to buda.

YOSUA 6:6

Natambaimi Yosua, anakna Nun, tu mintu’ to minaa, anna ma’kada lako, nakua: Angka’i tu patti basse, napitu to minaa untangke pitu napiri tanduk domba lumingka dio tingayo pattinNa PUANG.