2 OSSORANNA DATU 2:3 - Sura' Madatu

³ Nasuami Salomo tu pesua lao umpennoloi Huram, datu Tirus, kumua: (Melo ke sikaeloki), susi kasikaeloammi Daud, ambe’ku, mipa’peanni kayu arasi’, anna pabendan banuanna, tu ma’din nanii torro.

2 OSSORANNA DATU 2:3 ပူးပေါင်းရင်းမြစ်များ

2 SAMUEL 5:11

Iatu Hiram, datu Tirus, ussua pesuanna lako Daud umbaa kayu arasi’ sia ba’tu pira-pira pande kayu sia to ma’pa’ batu, anna pabendanan Daud misa’ tongkonan layuk.

1 OSSORANNA DATU 14:1

Iatu Hiram, datu Tirus, ussua sumbungan pudukna lako Daud umbaa kayu arasi’ sia ba’tu pira-pira pande batu sia pande kayu, anna pabendanan Daud misa’ tongkonan layuk.

2 OSSORANNA DATU 13:11

Iake melambi’ sia makaroen natunuan PUANG tu pemala’ ditunu pu’pu’ sia dupa busarungngu’; naparandananni tu roti dipennoloan dao meda masero sia tongkonan palita bulaan sola palitanna la dipaudukku ke bongioi. Belanna kikaritutui tu apa Napasanangkan PUANG, Kapenombangki, apa iatu kamu miboko’imo.

2 OSSORANNA DATU 24:14

Iatonna mangka nasangmo tu pengkarangan iato, nabaami tau tu la’binna mintu’ doi’ iato lako olona datu sia Yoyada, na doi’ iamoto tu dipangallian pareanan dipake lan banuanNa PUANG: iamotu parea dipake menomba sia memala’, sia ba’tu pira-pira dolong-dolong sia pareanan senga’ tu bulaan sia salaka digaragai. Tempon tuona Yoyada tontong dipemalaran tu pemala’ ditunu pu’pu’ lan banuanNa PUANG.

2 OSSORANNA DATU 4:19

Sia nagaragai duka Salomo tu mintu’ oongan, tu dipake lan banuanNa Puang Matua, iamotu inan pemalaran bulaan sia meda tu dipannii roti dipennoloan dao,

2 OSSORANNA DATU 8:13

iamotu apa dipamanassa la dipemalaran keallo situru’ pepasanna Musa sia lan mintu’ allo katorroan sia dio mintu’ sombona bulan sia dio mintu’ attu pa’gauran dipamanassa pentallun lan sangtaun, iamotu: pa’gauran roti tang dirangii sia pa’gauran minggu, sia pa’gauran pekalumban.

EZRA 6:3

Sura’ dianna batu silambi’: iatonna taun bunga’na datu Koresh ma’parenta, napatassu’mi datu Koresh te parenta iate nakua: Iatu banuanNa Puang Matua dio Yerusalem, banua iato sipatu dibangun sule, dadi misa’ inan la nanii tau umbaa pemala’; sia iatu parandanganna manassa la dioton; iatu langka’na annan pulona siku, iatu babana annan pulona siku.

NEHEMIA 10:34

Sia taloterei duka, tu mai tominaa, to Lewi sia to buda tu la nenne’ umpatama kayu tama banuanNa Kapenombanta situru’ rapunta lan attu dipamanassa ke taunoi, la ditutung dao inan pemalaranNa PUANG, Kapenombanta, susitu disura’ lan Sukaran aluk.

KATASSURAN 25:30

Sia palenna’i tu roti dipennoloan dao meda iato tontong dio oloKu.

KATASSURAN 29:38

Inde sia tu la tontong mupemalaran dao inan pemalaran iato kiallo-kiallo, iamotu da’dua anak domba tu sangtaunmo dadinna.

KATASSURAN 29:39

Iatu misa’ la mupemalaran ke melambi’i na iatu misa’, la mupemalaran ke makaroenni,

KATASSURAN 29:41

Iatu anak domba misa’nao la mupemalaran ke makaroenni; susitu kande dipemalaran ke melambi’ sola pemala’ pantedok, la susi dukamoto la mupemalaran, dadi bau busarungngu’; iamoto tu misa’ pemala’ pantunu dipemalaran lako PUANG.

KATASSURAN 30:7

Dao inan pemalaran iato la natunu Harun tu dupa; kiallo-kiallo la natunu, ke la unnissii palita.

SURA’ KATOMINAAN 23:2

Ma’kadako lako to Israel sia kuanni lako kumua: Iatu mintu’ attu pa’gauran dipamadatuan PUANG, tu mipetamban butung pa’kombongan masero, iamotu attu pa’gauran dipamadatuanNa’.

SURA’ KATOMINAAN 9:17

Mangkato mesuami umbaai tu kande dipemalaran, anna alai sangka’pan, anna tunui dao inan pemalaran napasituru’ tu pemala’ ditunu pu’pu’ melambi’.

KADIBILANGAN 28:11

Iake pamulanna bulanmi la mipemalaran lako PUANG tu pemala’ ditunu pu’pu’, iamotu da’dua anak sapi laki, misa’ domba laki, pitu domba sisangtaunmo, tu tae’ tattanna,

KADIBILANGAN 28:9

Na iake allo katorroan la mupemalaran tu da’dua domba sisangtaunmo tu tae’ tattanna sola duang taanna ke sangpuloi ta’pung manisak, dipasigerok minna’, dipokande dipemalaran, sia pemala’ pantedok, tu dipasisolanni.