2 OSSORANNA DATU 14:4 - Sura' Madatu

⁴ sia nasua tu mai to Yehuda undaka’ PUANG, Kapenombanna nene’ to dolona, sia unturu’ Sukaran alukNa sia pepasanNa.

2 OSSORANNA DATU 14:4 ပူးပေါင်းရင်းမြစ်များ

KADADIAN 18:19

Belanna mangkamo Kuturo ta’ba, dikua anna patudui tu mai anakna sia bati’na, la ungkaritutui lalanNa PUANG, la umpogau’ kamaloloan sia kamalamburan anNa palanda’i PUANG lako kalena tu apa mangka Napokadanni.

2 OSSORANNA DATU 11:16

Undinnato dio mai mintu’ suku to Israel ba’tu pira-piramo tau unturu’ to Lewi, tu umpamatu’tunmo penaanna la umpennoloi PUANG, Kapenombanna to Israel, rampomo lako Yerusalem la memala’ lako PUANG, tu Kapenombanna nene’ to dolona.

2 OSSORANNA DATU 14:3

Naputtai tu inan pemalaranna to sae sia inan madao dinii memala’, natesse tu batu dipodeata, sia nalelleng tu lentong dipodeata;

2 OSSORANNA DATU 14:5

Naputtai duka lan mai mintu’ kota Yehuda tu inan madao dinii memala’ sia inan pemalaran pantunuan dupa. Rapa’mi tu kadatuan tonna ma’parenta.

2 OSSORANNA DATU 29:21

Nabaami tau tu sapi laki pitu na domba laki pitu na domba pitu na bembe’ laki pitu la naposuru’ pengkalossoran banua datu sia inan maindan sia Yehuda. Mesuami tu datu lako bati’na Harun, iamotu mintu’ to minaa anna pemalaranni dao inan pemalaranNa PUANG.

2 OSSORANNA DATU 29:27

Mesuami tu Hizkia umpemalaran pemala’ ditunu pu’pu’ dao inan pemalaran iato. Iatonna randukmo dipemalaran tu pemala’ ditunu pu’pu’, randukmi dipopenani tu nanian lako PUANG sia dipannoni tu tarompe’, dipasiala oni-onianna Daud, datu Israel.

2 OSSORANNA DATU 29:30

Mangkato mesuami tu datu Hizkia sola mintu’ pangulu lako to Lewi, la umpudi PUANG ussa’bu’ kadanna Daud sia Asaf, to patanda-tandan. Napopenanimi tu pa’pudi-pudian siparannu-rannu, malinguntu’ sia tukku menomba.

2 OSSORANNA DATU 30:12

Dio duka Yehuda lalo tu kuasanNa PUANG, anna sanginaa tu tau iato mai unturu’ pepasanna datu sia mintu’ pangulu susitu kadanNa PUANG.

2 OSSORANNA DATU 30:19

tu mintu’ to umpasakka’ penaanna la undaka’ Puang Matua, iamotu PUANG, Kapenombanna nene’ to dolona, moi anna tang sitinaya kamaseroan tu sipatu lako apa maindan.

2 OSSORANNA DATU 33:16

Napabendanmi sule tu inan pemalaranNa PUANG, sia dao inan iato nanii umpemalaranni tu ba’tu pira-pira pemala’ kasalamaran sia pemala’ pa’pudian, sia nasua tu to Yehuda la umpengkaolai PUANG, Kapenombanna to Israel.

NEHEMIA 13:9

Sia kupesuan anna diseroi tu mai bilik iato, kumane umpatamai sule tu mintu’ pareanan banuanNa Puang Matua sola kande dipemalaran sia dupa.

PA’PUDIAN 119:10

Kalebu tongan penaangku undaka’Komi, da Mieloranna’ pusa dio mai mintu’ pepasanMi.

AMOS 5:4

Belanna inde sia tu kadanNa PUANG lako bati’na to Israel, Nakua: Daka’Na’, ammi tuo.

YOSUA 24:15

Apa iake misangai tang melo tu umpengkaolai PUANG, melo ke mipilei totemo minda tu minii mengkaola: lakoraka mintu’ deata tu napenombai nene’ to dolomi sambalinna lu Salu, lakoraka deata to Amori tu minii ma’tondok. Apa iatu aku sia to lan banuangku la mengkaolakanni lako PUANG.

1 SAMUEL 3:13

Belanna mangkamo Kupa’peissanan, kumua Aku la unnukungi tu to lan banuanna sae lakona, diona tu mintu’ kakadakean naissan, belanna iatonna umpasae tampak ropu lako kalena tu anakna sola duai, inang tae’ bang nagarrakki.