2 OSSORANNA DATU 13:16 - Sura' Madatu

¹⁶ Anna sisarambuan mallai tu to Israel dio tingayona to Yehuda, Nasorongi Puang Matua tama limanna.

2 OSSORANNA DATU 13:16 ပူးပေါင်းရင်းမြစ်များ

KADADIAN 14:20

Mintu’ kadipudian lu langngan nasang Puang Patodoranna, tu mangka ussorong ualimmu tama limammu. Nasorongmi Abram lako tu sangtaa sangpulona mintu’ barang apanna.

2 OSSORANNA DATU 13:17

Iatu Abia sola mintu’ surodadunna umpateimo to Israel buda tongan, anna mate tu to Israel limaratu’ sa’bunna tu pa’barani lalong.

2 OSSORANNA DATU 16:8

Tang surodadu budaraka sia lendu’ budanna karetana sia pakkanarangna tu to Kusyi sia to Libia? Apa moi susito Nasorong PUANG tama limammi tu tau iato mai, belanna sande’komi lako Kalena.

PA’TOLE 2:36

Randuk dio mai Aroër, dio biringna salu’-salu’ Arnon, sia kota diong lombok, sae lako Gilead, moi misa’ tae’ kota tu tang la takulle untaloi. Iatu PUANG, Kapenombanta, Nasorong nasangmo lako kaleta tu mintu’nato.

PA’TOLE 3:3

Nasorong dukami PUANG, Kapenombanta, tu Og, datunna Basan, sia mintu’ to budanna tama kuasanta, anta talo nasangi, naurungan moi misa’ tau tae’mo tapalussu’.

YOSUA 10:12

Attu iato ma’kadami Yosua lako PUANG to allo Nanii PUANG ussorong mintu’ to Amori lako to Israel sia ma’kada dio tingayona to Israel, nakua: E! matanna allo, tadangko dio Gibeon, sia iko e! bulan, diong lombok Ayalon!

YOSUA 21:44

Nakamaseimi PUANG karapasan tiku lao tu tau iato mai, susitu mintu’na mangka Naallu’ Napalaoi sumpa lako nene’ to dolona; moi misa’ ualinna tae’ unnattai bendan, dio tingayona; iatu mintu’ ualinna Nasorong PUANG tama kuasanna.

TO PARENGNGE’ 1:4

Ke’de’mi tu Yehuda, Nasorongi PUANG tu to Kanaan sia to Feris tama limanna, nataloi tu tau sangpulo sa’bu dio sikandappi’ Bezek.

TO PARENGNGE’ 11:21

Apa nasorong PUANG, Kapenombanna to Israel, tu Sihon sola mintu’ surodadunna tama limanna to Israel, anna taloi tu tau iato mai. Attu iato naalami to Israel napomana’ tu mintu’ tondok to Amori, tu umpa’tondokki te lili’ padang iate.

1 SAMUEL 23:7

Iatonna mangkamo tau umpokadanni Saul, kumua rampomo tu Daud lako Kehila, nakuami Saul: Nasorongmo Puang Matua tama limangku, belanna tikurungmo, saba’ tamamo kota den ba’bana sia salliranna.