2 OSSORANNA DATU 11:4 - Sura' Madatu

⁴ Inde sia tu kadanNa PUANG: Da milaoi ba’tu urrarii tu mai sangsiulurammi. Sangadinna pantan la sulekomi lako to’ banuammi, belanna tete dio Aku anna dadi tu apa iate. Naturu’mi tau iato mai tu kadanNa PUANG, anna sule, sia tae’mo nalaoi tu Yerobeam.

2 OSSORANNA DATU 11:4 ပူးပေါင်းရင်းမြစ်များ

KADADIAN 13:8

Ma’kadami tu Abram lako Lot nakua: Da naden kasipakkanta sia kasipakkanna to mangkambi’ta, belanna kita te, to sangdadiangki’.

KADADIAN 50:20

Tonganna kumua midakarammo’ kadake, apa Nadakaran kameloan Puang Matua la umpabu’tui tu susinna te totemo, tu la umpatuo misa’ bangsa kapua.

2 SAMUEL 2:26

Metambami Abner lako Yoab, nakua: Sipaturaka tu pa’dang la kumande tae’ upu’na? Tae’raka muissanni kumua la mapai’ tu katampakanna? Sangapaporoko tang la ussuai sule tu to buda unnula’ siulu’na?

1 DATU 22:36

Iatonna la lambunmo allo, denmi tau metamba umpekapuai gamaranna anna silelean lan to’ surodadu, nakua: Melo ke pantan sulei tu tau lako kotana sia lako tondokna.

2 OSSORANNA DATU 11:3

Pokadanni Rehabeam, anakna Salomo, datu Yehuda, sia mintu’ to Israel lan lili’na Yehuda sia Benyamin, kumua:

PA’PUDIAN 33:11

Apa iatu pa’timbanganNa PUANG tang leluk sae lakona, sia iatu tangnga’na landa’ lako disituran-turananni.

HOSEA 8:4

Unnangka’mo datu, apa napasalianNa’, sia unnangka’ arung, natae’ Kuissanni. Iatu mai salakana sia bulaanna nagaragamo rapang-rapang dipodeata napourunganni dipisanni.

PENGGAURANNA RASULU’ 7:26

Iatonna masiang to loo pole’omi untiroi tonna sibobo’ tau, napasiporai nakua: E sangmane, tang to sirapurokomika te; ma’apai ammi sibala’-bala’?

IBRANI 13:1

Melo ke tontongi tu pa’kaboro’mi lako sangsiuluran.

1 PETRUS 3:8

Ma’katampakanna sipatukomi sola nasang sanginaa, sia maturu-turu, sia unnala mase mintu’ siulu’, sia madulu’, sia umpamadiongan penaa;