2 KORINTUS 7:9 - Sura' Madatu

⁹ na totemo parannuna’. Tae’ kumua iatu masussamokomi, sangadinna iari tu masussakomi mipourungi mengkatoba’. Belanna iatu kamasussammi situru’ pa’poraianNa Puang Matua, anna tae’ nalambi’komi karugian lan mintu’ apa tete dio kami.

2 KORINTUS 7:9 ပူးပေါင်းရင်းမြစ်များ

PA’PUDIAN 38:18

Belanna madomi’mo’ la tobang, sia iatu kamasussangku dio bangmo tingayoku.

TOMANGADA’ 7:3

Melo tu karossoan penaa na iatu metaa, belanna iatu kamaru’gunan napotanda kamaloloan penaa.

ZAKHARIA 12:10

Lako to lan tongkonan layukna Daud sia lako to lan Yerusalem la Kubarrakan tu Penaa kamaturu-turuan sia passambayang; iatu tau iato mai la mentiro lako tu to mangka narok, anna sa’buranni bating, susito umbatingi anak tungga’, ondongpi la si’dan-si’dan untangi’i butung to untangi’i anak pa’bung’a.

MATIUS 3:8

Iamoto dadi pasombomi tu bua sitinaanna katobaran.

LUKAS 15:10

Iamoto nakua kadangKu mati’: Susimoto tu kaparannuanna mintu’ malaeka’Na Puang Matua tu belanna misa’ to kasalan mengkatoba’.

LUKAS 15:32

Sipatuki’ ma’marua’-rua’ sia parannu-rannu, belanna iate adimmu matemo anna tuomo sule, pa’demo anna dikabu’tuimo sule.

LUKAS 15:7

Kukua lako kalemi: La susimoto tu kaparannuan lan suruga, belanna misa’ to kasalan mengkatoba’ losong ia na kasera pulona ngkasera to maruru’ penaanna tu tau ussanga kalena tae’mo namanggi’ la mengkatoba’.

PENGGAURANNA RASULU’ 20:21

sia kupamanassan to Yahudi sia to Yunani tu diona kamengkatobaran lako Puang Matua sia ma’patongan lako Puangta Yesu.

2 KORINTUS 1:12

Belanna iatu kapassattuangki, tu natonganan sukaran inaangki, kumua iatu gau’ki lan te lino, ontongpi lako kamu situru’ kamaindanan sia kamaseroan, lu dio mai Puang Matua, tangngia situru’ kakinaan katolinoan, sangadinna diona pa’kamaseanNa Puang Matua.

2 KORINTUS 2:16

ma’bau kamateangkan ke lako to la disanggang umpatu kamatean, apa ianna lako to la dipamakarimman umpatu katuoan ma’bau katuoangkan. Namindara tu la umbelai tu iannato?

2 KORINTUS 7:8

Belanna moi angku pamasussamokomi diona to sura’ku, tae’ duka kumenassan. Moi susinna angku menassanmo – tu belanna manassa lako kaleku kumua napamasussakomi tu sura’ku, sattu’ri –