2 DATU 9:7 - Sura' Madatu

⁷ La mupatei tu mintu’ to lan banuanna Ahab, puangmu, kumua angKu tuntunni tu bala’na rarana taungKu, iamotu mintu’ nabi sia mintu’ taunNa PUANG, lako Izebel.

2 DATU 9:7 ပူးပေါင်းရင်းမြစ်များ

1 DATU 18:4

Belanna iatonna rabunni Izebel tu nabinNa PUANG, naala Obaja tu saratu’ nabi, anna bunii, silimangpulo lan ke misa’oi lo’ko’, anna parakai naben roti sola uai.

1 DATU 21:15

Iatonna rangimi Izebel kumua matemo tu Nabot ditumbui batu, ma’kadami tu Izebel lako Ahab, nakua: Millikmokomi, alami mipoapai tu pa’lak anggoro’na Nabot, to Yizreel, iamotu pa’lak manoka umbenkomi dialli doi’, belanna iatu Nabot tae’mo natuo, sangadinna matemo.

1 DATU 21:21

Nakua kadanNa Puang: Manassa la Kuparampoiko kamandasan, sia la Kuputtaiko sia iatu muane, bati’na Ahab la Kumangsanni la to mala’bi’na la to bitti’na dio lu to Israel.

1 DATU 21:25

Inang tae’ lenpa tau susi Ahab umbaluk kalena la umpogau’ kadake dio pentiroNa PUANG, belanna nasede Izebel, bainena.

2 DATU 10:10

La miissan kumua moi sangbuku kada tae’ tang dadi tu mintu’ kadanNa PUANG tu apa Napokada PUANG la urrampoi bati’na Ahab; na sundunni PUANG tu apa Napokada nalopian Elia, taunNa.

2 DATU 10:11

Napatei dukapa Yehu tu mintu’ to lan banuanna Ahab, tu torrona dio Yizreel sia mintu’ to kapuana na mintu’ to manappa’na sia to minaanna, naurungan moi misa’ tae’mo napatuo tu tau iato mai.

2 OSSORANNA DATU 22:7

Iatu Ahazia male untollongi Yoram, anna pobannangi kasangganganna tete dio panglampakNa Puang Matua, belanna tonna rampomo dio, tassu’mi sola Yoram la umpessitammui Yehu, anakna Nimsi, tu mangka Natokko PUANG, la ussabu’i mintu’ to lan banuanna Ahab.

YEREMIA 26:5

sia tae’ miperangii kadanNa taungKu iamotu mai nabi tu Kusua lako kalemi, ke makale’ sia ke karoen, natae’ miperangii,

MATIUS 23:35

Kumua ammi buntu rengnge’i tu mai rarana to malambu’ tu to’do rokko padang, tempon dio mai rarana Habel tau lambu’ sae lako rarana Zakharia, anakna Berekhya, tu mangka mipatei dio kasiallaranna banua kabusungan anna to’ kapemalaran.

ROMA 12:19

E pa’kaboro’ku, da anna kamu kalena ma’pasibalaran, sangadinna pakampai kasengkeanNa Puang Matua, belanna den disura’ kumua: Aku umpoissanni tu pepakkan; Akumote tu la umpapakkanni, kadanNa Puang.

ROMA 13:4

Belanna iamo taunNa Puang Matua tu umpabu’tuangko kameloan. Apa iake umpogau’ko kakadakean, la mataku’ko, belanna tae’ natakin punala bangi tu la’bo’, apa iamo taunNa Puang Matua, tu umparampo kasengkean lako minda-minda tu umpogau’ kakadakean.

PA’TOLE 32:35

Aku puangna tu pa’pabala’ sia pa’papakkan, iake la attunnami tilende’ tu lette’na, belanna iatu allo kasangganganna mandappi’mo, sia madomi’mo mengkareke’ tu apa dipamanassanni.

PA’TOLE 32:43

Unnarrak-arrakkomi e kamu to sangpetayanan diona bangsaNa, belanna Puang umpakkanni rarana tu mintu’ taunNa sia Napabala’i tu penggauranna to umbalii, sia Napadenan kadiseroian kasalan tu tondokNa sia taunNa.

IBRANI 10:30

Belanna tatandai tu To mangkamo ma’kada kumua: Akumo untoe pepakkan; Aku duka tu ma’papakkanni, sia Nakua siapa: Puang tu la umpaolai salu tu taunNa.

KADA OMBO’ LAKO RASULU’ YOHANES 18:20

E, lanna suruga, sia mintu’ to masallo’ sia mintu’ rasulu’, sia mintu’ nabi arrakki, belanna Napaolaiammokomi salunna Puang Matua.

KADA OMBO’ LAKO RASULU’ YOHANES 19:2

belanna mintu’ tu pa’paolainNa salu tongan sia malambu’; belanna Naukungmo tu pa’gau’ sala masarrang iato, tu ussanggang lino diona gau’ salana, sia Naalammo bala’ tu rarana mintu’ taunNa lako to ma’gau’ sala iato.

KADA OMBO’ LAKO RASULU’ YOHANES 2:20

Apa den apa Kusayuangko, iamotu mupopa’elo’na tu baine disanga Izebel ungganti kalena nabi, sia mangada’ anna umpapusa mintu’ taungKu ma’gau’ sala sia ungkande apa dipemalaran lako deata.