2 DATU 9:3 - Sura' Madatu

³ Ammu alai tu busso’-busso’ nanii minna’ lan, ammu bolloanni dao ulunna, sia ma’kadako lako kumua: Inde sia tu kadanNa PUANG nakua: La Kutokkoko dadi datunna to Israel. Mangkato bungka’ko ba’ba mutarru’ liu male mallai.

2 DATU 9:3 ပူးပေါင်းရင်းမြစ်များ

1 DATU 1:34

Anna to minaa Zadok sia nabi Natan untokkoi minna’ inde to dio, anna dadi datunna to Israel; ammi mane umpannoni napiri tanduk sia metamba kumua: Namaupa’mora tu datu Salomo!

1 DATU 19:16

Sia la mutokko tu Yehu, anakna Nimsi dadi datunna to Israel, na iatu Elisa, anakna Safat dio mai Abel-Mehola, la mutokko dadi nabi ussondako.

2 DATU 8:13

Nakuami tu Hazael: Minda toda iate taummite, tu sangtinti asu, anna la umpogau’ri te apa kapua iate? Nakuami tu Elisa: Mangkamo Napaombo’ PUANG lako kaleku, kumua kamumo la dadi datunna to Aram.

2 DATU 9:6

Bendanmi namale tama banua. Nabolloimi minna’ tu ulunna, nama’kada lako nakua: Inde sia tu kadanNa PUANG, Kapenombanna to Israel: La Kutokkoko dadi datunna taunNa PUANG, iamotu mai to Israel.

2 OSSORANNA DATU 22:7

Iatu Ahazia male untollongi Yoram, anna pobannangi kasangganganna tete dio panglampakNa Puang Matua, belanna tonna rampomo dio, tassu’mi sola Yoram la umpessitammui Yehu, anakna Nimsi, tu mangka Natokko PUANG, la ussabu’i mintu’ to lan banuanna Ahab.

KATASSURAN 29:7

Ammu alai tu minna’ dipa’minnakan sia dipa’tokkoan, ammu bolloanni dao ulunna; la susimoko to umminna’i.

DANIEL 2:1

Iatonna taun ma’penduan kaparentanna Nebukadnezar, ma’tindomi tu Nebukadnezar; napomagiangmi penaanna tu tindo iato, anna tang mamma’mo.

DANIEL 4:35

Iatu mintu’ to untongkonni kuli’na padang direken tae’ bang gai’na; Napogau’i lako tu mintu’na angge maritik dao langi’ sia mintu’nato untongkonni kuli’na padang unturu’ pa’poraianNa, sia moi misa’ tau tae’ untukka’i tu limanNa, ba’tu ma’kada lako Kalena kumua apara tu Mipogau’?

DANIEL 5:18

O datu, mangkamo Puang Matua, Patodoranna, ungkamasei kadatuan, kataromposan, kadipangkeran sia kamala’biran tu Nebukadnezar, ambe’mi.

SURA’ KATOMINAAN 8:12

Mangkato nabolloammi tu minna’ pa’tokkoan iato dao ulunna Harun sia natokko la umpamaindanni.

MATIUS 10:16

Pengkilalai, Kusuakomi male susi domba lako to’ guruk. Iamoto, dadi la ma’tangnga’komi susi ula’, sia la ma’bulo sanglampa, susi bu’ku.

MATIUS 2:13

Malena sia tu to patanda-tandan, nakita tindomi Yusuf tu misa’ malaeka’Na Puang, nakua: Millikko, ammu alai tu Pia sola indo’Na, ammu pallaianni lako Mesir, ammu torro dio sae lako kukuammu, belanna napengkali-kalii Herodes undaka’ lalan la umpatei tu Pia.

MATIUS 26:7

saemi lako Kalena tu baine misa’, sibaa tonde gori-gori nanii minna’ busarungngu’ masuli’ allinna, nabolloanni langngan ulunna Yesu, tonna unno’ko’ kumande.

1 SAMUEL 10:1

Naalami Semuel tu misa’ gori-gori nanii minna’ busarungngu’, naboloanni langngan ulunna Saul, sia naudung, anna ma’kada nakua: Tang PUANG raka untokkoko la dadi arung mana’Na?

1 SAMUEL 15:1

Ma’kadami tu Samuel lako Saul, nakua: Akumo tu Nasua PUANG untokkokomi dadi datu umparenta taunNa, iamotu to Israel, totemo duka perangiimi tu kadanNa PUANG.

1 SAMUEL 15:17

Nakuami Samuel: Tang susiraka to, kumua moi mibitti’ dio pentiromi, apa dipadadikomi pangulunna mintu’ to Israel sia Natokkokomi PUANG dadi datunna to Israel?

1 SAMUEL 16:2

Apa nakua Samuel: Umba la kukua male? Iake narangii Saul, manassa napateina’. Nakuami PUANG: Baako misa’ anak sapi, ammu kuai: iate aku sae la memala’ lako PUANG.

1 SAMUEL 9:16

Masiang agi-agi attu susite la Kusua lako kalemu tu misa’ muane dio mai lili’na Benyamin; la mutokko la dadi arungna taungKu Israel, iamo la urrampanan taungKu dio mai limanna to Filistin. Belanna maturu-turuNa’ untiroi tu taungKu, saba’ rampomo pengkamoyana lako Kaleku.