2 DATU 9:28 - Sura' Madatu

²⁸ Napalangngammi kareta taunna tu batang rabukna datu, anna baai lako Yerusalem, anna dipeliang dipasola nene’ to dolona, lan kotana Daud.

2 DATU 9:28 ပူးပေါင်းရင်းမြစ်များ

1 DATU 2:10

Malemi tu Daud tama batu dilobang sola nene’ to dolona, anna dipeliang lan kotana Daud.

2 DATU 12:21

Iamotu Yozakar, anakna Simeat, sia Yozabad, anakna Somer taunna, umpatei, namate. Anna peliangi tau sola nene’ to dolona lan kotana Daud. Anna Amazia, anakna muane, ussondai dadi datu.

2 DATU 23:20

Sia napatei tu mintu’ to minaa inan madao, tu torro inde to dio, dao inan pemalaran sia naballa dao tu buku to mate. Mangkato sulemi tu datu lako Yerusalem.

2 DATU 23:30

Napopa’karetami taunna tu batang rabukna dao misa’ kareta dio mai Megido, nabaai lako Yerusalem, napeliangi tama liangna. Naangka’mi pa’tondokan tu Yoahas, anakna Yosia; nabolloi minna’, natokkoi dadi datu ussonda ambe’na.

2 DATU 8:24

Iatu Yoram malemo tama batu dilobang sola nene’ to dolona, anna dipeliang sola nene’ to dolona lan kotana Daud. Na Ahazia, anakna muane, ussondai dadi datu.

2 OSSORANNA DATU 22:9

Nadaka’mi Yehu tu Ahazia, Natingkanni tau, tonna membuni dio Samaria, anna baai lako Yehu, napatei; apa napeliang tau, belanna nakua: Anakna Yosafat, tu lantuk penaanna undaka’ PUANG. Iatu bati’na Ahazia moi misa’ tae’ tu ungkullei ma’parenta.

2 OSSORANNA DATU 25:28

Napalanganmi tau darang anna dipeliang dipasola nene’ to dolona lan kotana Daud.

2 OSSORANNA DATU 35:24

Naangkarammi taunna lan mai karetana, napalelei dao kareta senga’, tu kareta ma’penduanna, nabaai lako Yerusalem. Ka’tumi angin dipudukna tu datu, anna dipeliang lan liangna nene’ to dolona, sia mintu’ to Yehuda sia to lan Yerusalem umpassanda bolonganni tu Yosia.