2 DATU 9:27 - Sura' Madatu

²⁷ Iatonna tiromi Ahazia, datu to Yehuda, tu iannato, mallaimi umpempatui Bet-Hagan. Apa undi naula’ Yehu, nakua: Pongko dukai tu! Panai dao karetana! Napabasaimi tau dio lalan tuka’ langngan Gur, sikandappi’ Yibleam; mallaimi lako Megido, namate dio.

2 DATU 9:27 ပူးပေါင်းရင်းမြစ်များ

1 DATU 21:2

Ma’kadami tu Ahab lako Nabot nakua: Benna’ tu pa’lak anggoro’mu, angku nii untanan utan, belanna iatu pa’lak iato siamping banuangku; la kuben siako misa’ pa’lak anggoro’ sondana melo ia na iate; ba’tu iake musangai melo la kubaya’ doi’ lako kalemu tu allinna.

1 DATU 4:12

na Baana, anakna Ahilud umparenta Taanakh sia Megido sia mintu’ lili’na Bet-Sean, dio sa’dena Sartan, rokkona Yizreel, randuk dio mai Bet-Sean sae lako Abel-Mehola, tu’tun dio lakona Yokmeam;

2 DATU 10:4

Apa lendu’ mataku’na tu tau iato mai, nama’kada nakua: Ia duka tu da’dua datu tang natanan dio olona, apa pole’ te kitate tala unnattai?

2 DATU 11:1

Iatonna tiromi Atalya, indo’na Ahazia kumua iatu anakna matemo, ta’kala malemi umpatei nasangi tu bati’na datu.

2 DATU 12:1

Iatonna taun ma’pempitu kadatuanna Yehu, dadimi datu tu Yoas, nama’parenta patangpulo taunna dio Yerusalem. Iatu indo’na disanga Zibya, dio mai Bersyeba.

2 DATU 12:21

Iamotu Yozakar, anakna Simeat, sia Yozabad, anakna Somer taunna, umpatei, namate. Anna peliangi tau sola nene’ to dolona lan kotana Daud. Anna Amazia, anakna muane, ussondai dadi datu.

2 DATU 14:19

Sipakulu-kulumi tu tau unneai dio Yerusalem, anna mallai tu datu lako Lakhis, apa mesua tu tau iato mai unnula’i lako Lakhis, anna patei dio.

2 DATU 21:23

Sipakulu-kulumi tu to mase’ponna Amon unneai, anna patei tu datu lan tongkonan layukna.

2 DATU 8:29

Sulemi tu Yoram lako Yizreel la umpopedampi bangkena, tu narua to Aram dio Rama, tonna sirari Hazael, datu Aram. Saemi tu Ahazia, anakna Yoram, datu Yehuda, untollongi Yoram, anakna Ahab, dio Yizreel, belanna masaki bangmo.

SARAMBU PEADA’ 13:20

Minda-minda sikabiasa to kinaa, manassa la kinaa; apa minda-minda tu sikadamak tobaga, manassa la mengkadake.

KADIBILANGAN 16:26

Ma’kadami lako kasirampunan nakua: Soro’komi dio mai tendana te muane tang mekaaluk sia da len ammi kaka’i tu mintu’ apanna, kumua da midipisanni sola, natumang mintu’ kasalanna.

2 KORINTUS 6:17

Iamoto tassu’komi dio mai to’ to kapere’, sia messarakkomi, susimoto tu kadanNa Puang, sia da mirumbui tu apa maruttak; na Aku umpaalaikomi bilangan,

YOSUA 17:11

Iatu kota lan Isakhar sia lan Asyer tu napotaa Manasye, iamotu Bet-Sean sola lili’na, Yibleam sola lili’na, to torro dio Dor sola lili’na, to torro dio En-Dor sola lili’na, to torro dio Taanakh sola lili’na sia to torro dio Megido sola lili’na, iamotu tallu tondok ma’tanete.

TO PARENGNGE’ 1:27

Iatu Manasye tae’ naula’i tu to Bet-Sean sola to lan lili’na sia to Taanakh sola to lan lili’na sia to umpa’tondokki Dor sola lili’na sia to umpa’tondokki Yibleam sola lili’na sia to umpa’tondokki Megido sola lili’na, naurungan iatu to Kanaan ma’dinpa torro ma’tondok dio tondok iato.

TO PARENGNGE’ 5:19

Saemi tu mintu’ datu anna parari, attu iato pararimi tu mintu’ datu Kanaan, dio Taanakh, dio biring salu Megido; moi sangti’pek salaka tae’ duka narampa.