2 DATU 9:20 - Sura' Madatu

²⁰ Naparampomi to ma’kampa lako nakua: Rampo sia tu to disua, apa tae’ nasule. Iatu tau umpalari tu darang susi bang Yehu, anakna Nimsi, belanna susito bomboan umpalarii.

2 DATU 9:20 ပူးပေါင်းရင်းမြစ်များ

2 SAMUEL 18:27

Nakuami tu to ma’kampa: Iatu kutirona lako tu to dolo susito lingkana Ahimaas, anakna Zadok. Nakuami datu: To melo to, manassa sae umbaa kareba melo.

1 DATU 19:17

Attu iato minda-minda tu tilendok dio mai pa’dangna Hazael, la napatei Yehu, na minda-minda tu tilendok dio mai pa’dangna Yehu, la napatei Elisa.

2 DATU 10:16

Nakuami Yehu: Maimokomi tamale sola ammu tiroi tu kamatutturangku umposara’i tu diona PUANG. Iamoto nasuai tu tau iato mai kendek langngan karetana.

2 DATU 9:19

Nasua pole’omi tu pakkanarang senga’. Iatonna saemo lako, ma’kadami nakua: Susite tu kadanna datu: Salama’ siarokomika? Mebalimi tu Yehu nakua: La mupa’apairi tu kasalamaran? Tibalikmoko muundi dio boko’ku.

2 DATU 9:2

Iammu rampomo lako, tiroi ba’tu umba nanii tu Yehu, anakna Yosafat, anakna Nimsi. Maleko tama, ammu palakui anna ke’de’ lan tangngana solana, ammu solanni tama inan lendu’ tama.

TOMANGADA’ 9:10

Mintu’na tu narumbu limammu la mupogau’ sitinaya mukullena, pogau’i belanna tae’ tu pengkarangan, ba’tu pa’timbangan, ba’tu kapaissanan, ba’tu kakinaan lan lino tomate, tu mupatu lako.

YESAYA 54:16

Akumote tu umpadadi pande bassi tu ussau ruaya sia unggaraga pa’buno situang kamanaranganna, apa Aku dukamo tu umpadadi tu to pasanggang la pasanggangan.

DANIEL 11:44

Apa la napatiramban kareba dio mai rampe matallo sia daa mai rampe daanna lu, iamoto nala mandu re’dek ara’na tassu’ la ussanggang sia ussabu’i buda tau.

HABAKUK 1:6

Belanna tonganna iatu to Kasdim Kupabendan, misa’ bangsa masa’ga’ sia malinta’, tu lumingka unnoloi lua’na lino, la unnala inan katorroanna tau la napoapa, tu tangia apanna.

HABAKUK 3:12

Tete dio Kare’dekan ara’Mi Miolai te kuli’na padang, sia tete dio kasengkeamMi amMi lullu’i tu mintu’ bangsa.