2 DATU 9:17 - Sura' Madatu

¹⁷ Bendanmi tu to ma’kampa dao menara dio Yizreel, anna tiroi tu baananna Yehu saemo, nakuami: Kutiromo tu tau sangbaanan. Ma’kadami tu Yoram nakua: Suako misa’ pakkanarang lao umpessitammui, ammu pekutananni kumua: Salama’ siarokomika?

2 DATU 9:17 ပူးပေါင်းရင်းမြစ်များ

2 SAMUEL 13:34

Ta’kala mallaimi tu Absalom. Iatu to mangura ma’kampa tonna bangunanni tu matanna, natiromi tu tau buda unnola dio lalan dio boko’na, tu mempali’ dio sa’de buntu.

2 SAMUEL 18:24

Iatu Daud ma’dokko lan alla’na da’dua babangan kota, nakendek tu to ma’kampa langngan bubungan babangan kota, tarru’ langngan benteng tembo’. Iatonna bangunammo matanna, natiroi tu misa’ muane sae ma’dondo-dondo misa-misai.

1 DATU 2:15

Nakuami: Miissan duka, kumua iatu kadatuan inang taaku sia pada nasangamo tu mintu’ to Israel kumua akumo la datu, anna membali kataananna adingku, belanna PUANGmo umpapatui.

2 DATU 7:14

Naalami tu kareta da’dua sola darangna, nasuami datu tu tau iato mai undi urrundu’ surodadu to Aram nakua: Malekomi untiroi.

2 DATU 9:11

Iatonna tassu’mo Yehu lako tu naninna taunna puangna, ma’kadami misa’ tu tau iato mai lako nakua: Manaman siarokoka? Ma’aparika na iate to bomboan sae umpellambi’iko? Mebalimi lako tau iato mai nakua: Inang mitandaimo tu tau susito sia buangan kadanna.

2 DATU 9:16

Malemi ma’kareta tu Yehu lako Yizreel, belanna iatu Yoram masaki natorro dio. Nasae duka tu Ahazia, datu to Yehuda unto’longi.

2 DATU 9:18

Malemi tu pakkanarang umpessitammui tu tau iato mai, sia nakua: Susite tu kadanna datu: Salama’ siarokomika? Mebalimi tu Yehu nakua: La mupa’apairi tu kasalamaran? Tibalikmoko muundi dio boko’ku! Naparampomi to ma’kampa nakua: Iatu to disua rampo sia lako, apa tae’ nasule.

2 DATU 9:19

Nasua pole’omi tu pakkanarang senga’. Iatonna saemo lako, ma’kadami nakua: Susite tu kadanna datu: Salama’ siarokomika? Mebalimi tu Yehu nakua: La mupa’apairi tu kasalamaran? Tibalikmoko muundi dio boko’ku.

YESAYA 56:10

Iatu mintu’ tu to ma’kampana tau iato mai buta, moi misa’ tae’ natandai, mintu’i susi asu mamang, tu tang naissan ma’buroro; tikkaru’du’ anna umbambang rokko, sia naporai bang mamma’.

YESAYA 62:6

E Yerusalem, Kupadaomo bentengmu tu pa’kampa, tu tang la ma’pakappa allo bongi tontong sae lakona. E kamu, tu umpakilalanna PUANG, da mimengkata’ka’len.

1 SAMUEL 16:4

Napogau’mi Samuel susitu kadanNa PUANG, anna male lako Betlehem. Pada saemi sipa’parondoan tu mintu’ pangulunna tondok iato, anna ma’kada nakua: Melo siaraka tu misaean?

1 SAMUEL 17:22

Napatorromi Daud tu mintu’ apa nabaa, anna ma’dondo-dondo sae lako surodadu ma’pampangan; iatonna rampomo lako mekutanami lako kakanna diona kamalaga’-lagaranna.