2 DATU 9:14 - Sura' Madatu

¹⁴ Susimo kasipakulu-kuluanna to tu Yehu, anakna Yosafat, anakna Nimsi la umbali Yoram. Na iatu Yoram sola mintu’ to Israel untorroimo Ramot, lili’na Gilead, la umpangeai tu kota iato unnea Hazael, datu Aram.

2 DATU 9:14 ပူးပေါင်းရင်းမြစ်များ

1 DATU 15:27

Iatu Baesa, anakna Ahia, dio mai rapu Isakhar, umpaden kasiturusan la unneai. Napatei Baesa dio Gibeton, lili’ to Filistin, tonna patama limbui Nadab sola mintu’ to Israel tu Gibeton.

1 DATU 16:16

Iatonna rangimi to buda tu umpatama limbu kota iato, kumua: iatu Zimri umpaden kasiturusan, sia mangka dukamo umpatei datu, naangka’mi mintu’ to Israel tu Omri, kamandang surodadunna to Israel dadi datu lan allo iato dio to’ inan nanii ma’tenda.

1 DATU 16:7

Sae dukami tu kadanNa PUANG lako Baesa sia mintu’ bati’na, tu nalopian nabi Yehu, anakna Hanani, belanna mintu’ kakadakean napogau’ dio pentiroNa PUANG sia belanna penggauranna tu umpa’dikki penaanNa Puang, naurunganni iatu kedona susi bati’na Yerobeam, sia belanna ia dukamo mangka umpatei tau iato mai.

1 DATU 16:9

Iatu Zimri, tu taunna, iamo umpangului sangsesena kareta parari, umpaden kasiturusan la unneai. Iatonna marassan mangiru’ dio Tirza lan banuanna Arza, pangulu sandan uai datu dio Tirza, namalango,

1 DATU 22:3

Ma’kadami tu datu to Israel lako mintu’ to mase’ponna, nakua: Miissan siaraka, kumua iatu Ramot dio Gilead naala lili’ta? Anta popa’elo’na bangi tang unnalai sule lan mai kuasanna datu to Aram!

2 DATU 10:9

Masiang to, sunmi tu Yehu, nabendan dio tingayona to buda nama’kada nakua: Iatu kamu sola nasang tae’ misala. Manassa akumo tu umpaden kasipakulu-kuluan unnea puangku na akumora tu umpatei. Apa mindara ia umpatei nasangi te?

2 DATU 12:21

Iamotu Yozakar, anakna Simeat, sia Yozabad, anakna Somer taunna, umpatei, namate. Anna peliangi tau sola nene’ to dolona lan kotana Daud. Anna Amazia, anakna muane, ussondai dadi datu.

2 DATU 15:30

Iatu Hosea, anakna Ela, umpadenmi kasipakulu-kuluan unnea Pekah, anakna Remalya; napateimi anna ia ussondai dadi datu tonna taun ma’penduangpulo kadatuanna Yotam, anakna Uzia.

2 DATU 8:28

Malemi sola Yoram, anakna Ahab, nasirari Hazael, datu to Aram dio Ramot, lili’na Gilead. Nabangkeimi to Aram tu Yoram.

2 DATU 8:29

Sulemi tu Yoram lako Yizreel la umpopedampi bangkena, tu narua to Aram dio Rama, tonna sirari Hazael, datu Aram. Saemi tu Ahazia, anakna Yoram, datu Yehuda, untollongi Yoram, anakna Ahab, dio Yizreel, belanna masaki bangmo.

2 DATU 9:2

Iammu rampomo lako, tiroi ba’tu umba nanii tu Yehu, anakna Yosafat, anakna Nimsi. Maleko tama, ammu palakui anna ke’de’ lan tangngana solana, ammu solanni tama inan lendu’ tama.

2 DATU 9:31

Mane tama tu Yehu dio mai babangan kota, nakuami tu Izebel: Malaga’-laga’ siaraka tu Zimri, to umpatei puangna?