2 DATU 9:11 - Sura' Madatu

¹¹ Iatonna tassu’mo Yehu lako tu naninna taunna puangna, ma’kadami misa’ tu tau iato mai lako nakua: Manaman siarokoka? Ma’aparika na iate to bomboan sae umpellambi’iko? Mebalimi lako tau iato mai nakua: Inang mitandaimo tu tau susito sia buangan kadanna.

2 DATU 9:11 ပူးပေါင်းရင်းမြစ်များ

2 DATU 4:26

Totemo malemoko madomi’ untammui sia ma’kada lako kumua: Malaga’-laga’ siarokomika, sola tu ambe’na anakmi sia anakmi? Mebalimi nakua: Malaga’-laga’ nasang siakan.

2 DATU 5:21

Iamoto malemi tu Gehazi unnula’ Naaman. Iatonna tiromi Naaman, kumua den tau undi unnula’i, mekkondongmi dao mai karetana untammui sia ma’kada nakua: Malaga’-laga’ siaraka?

2 DATU 9:12

Apa nakua tu tau iato mai: Buttokko, pokadan dukakanni. Ma’kadami nakua: Susito susite napokadanna’: namane unpokadanna’, kumua: Inde sia tu kadanNa PUANG: La kutokkoko dadi datunna to Israel.

2 DATU 9:17

Bendanmi tu to ma’kampa dao menara dio Yizreel, anna tiroi tu baananna Yehu saemo, nakuami: Kutiromo tu tau sangbaanan. Ma’kadami tu Yoram nakua: Suako misa’ pakkanarang lao umpessitammui, ammu pekutananni kumua: Salama’ siarokomika?

2 DATU 9:19

Nasua pole’omi tu pakkanarang senga’. Iatonna saemo lako, ma’kadami nakua: Susite tu kadanna datu: Salama’ siarokomika? Mebalimi tu Yehu nakua: La mupa’apairi tu kasalamaran? Tibalikmoko muundi dio boko’ku.

2 DATU 9:2

Iammu rampomo lako, tiroi ba’tu umba nanii tu Yehu, anakna Yosafat, anakna Nimsi. Maleko tama, ammu palakui anna ke’de’ lan tangngana solana, ammu solanni tama inan lendu’ tama.

2 DATU 9:22

Iatonna tiromi Yoram tu Yehu, pakalan ma’kadami nakua: Salama’ siarokoka, Yehu? Mebalimi nakua: Umba la takua salama’, ke tontongpi tu gau’ salana Izebel, indo’mi sia mintu’ issan-issan makambanna?

YESAYA 59:15

Iatu tonganna tang dipebayo lindomo sia minda-minda untoyangan kalena dio mai kakadakean dirampamo. Mintu’nate Natiromo PUANG, nakadake tongan Natiro, belanna tae’mo katonganan.

YEREMIA 29:26

Mangkamoko Naangka’ PUANG dadi to minaa ussonda to minaa Yoyada, ammu dadi to ma’kampa lan banuanNa PUANG la ungkampai mintu’ to katama-taman sia tu lolang susi nabi, ammu sangkalai sia pangkai bassi.

HOSEA 9:7

Saemo tu allo kadiukungan, saemo tu allo pa’papakkan. La naperasai to Israel te iannate. Iato nabi iato baga sia iatu to natamai penaa bomboan, napobua’ kakapuanna kakadakeammu sia belanna kakapuanna tu kamabirisan.

MARKUS 3:21

Iatonna rangimi sangdadianNa tu iannato, sunmi la unnalai, belanna nakua: katama-taman.

YOHANES 10:20

Budai tu kumua: Nataba deata masussuk nabomboan, ma’apai kamu ammi perangii?

PENGGAURANNA RASULU’ 17:18

Den duka ba’tu pira-pira tu to untoe pangadaranna to Epikuros sia Stoa nasitamben kadan. Den tu kumua: Apara la napokada te to salle kada? Apa nakua tu pira’na: Takua-kua to umpa’peissanan deata banga’, belanna iatu Paulus umpa’peissanan Kareba-kaparannuan diona Yesu sia diona tu kamalimbangunan.

PENGGAURANNA RASULU’ 26:24

Marassanmo umpokadai tu pebalinna susito, ma’kadami tu Festus sumaraba, nakua: Umbai katama-tamanko Paulus, kamanarangan matarru’mu umpakatama-tamanko.

1 KORINTUS 4:10

Kami te bagakanni belanna Kristus; apa kamu manarangkomi diona Kristus; kami te langga’kanni, apa kamu mawatangkomi, kamu mala’bi’komi, apa kami tang dibilangkan.

2 KORINTUS 5:13

Belanna iake butungkan to katamataman, napomala’bi’ Puang Matua, apa iake malinokan mipomaupa’.