2 DATU 8:5 - Sura' Madatu

⁵ Marassan naulelean lako datu tu umba nakua umpatuoi sule tu misa’ to mate, pakalan saemi tu baine, tu umpoanakki tu pia napatuo sule, la ma’parapa’ lako datu tu diona banuanna sia pa’lakna. Nakuami tu Gehazi: O puangku datu, iamora te tu baine, na iamote tu anakna, tu napatuo Elisa sule.

2 DATU 8:5 ပူးပေါင်းရင်းမြစ်များ

1 DATU 20:1

Narampunmi Benhadad, datu to Aram, tu mintu’ surodadunna sia iatu datu duangpulo ntallu nasolan sola darang sia kareta. Ke’de’mi umpatama limbu Samaria, sia sirari pa’tondokanna.

2 DATU 4:12

Nakuami lako Gehazi to ma’kamayana: Tambai tu baine to Sunem. Natambaimi anna bendan dio olona.

2 DATU 4:35

Mangkato, mengkalaomi sule, anna male pissan lu lako lu dio mai lan banua iato, mangkato kendekomi langngan, anna palumbangi tu kalena rokko. Ta’kala sumbaenmi pempitu tu pia anna bungka’i tu matanna.

2 DATU 6:12

Nakuami tu misa’ to mase’ponna: Tae’ nasusito, puangku datu, sangadinna Elisa nabi dio Israel umpokadanni datu Israel tu mintu’ kada mipokada, moi nalan inan kamammarammi minii umpokadai.

2 DATU 6:26

Iatonna lendu’ tu datu Israel dao benteng tembo’ metambami misa’ baine mengkamoya lako nakua: O puangku datu, tunduina’!

2 DATU 8:6

Mekutanami tu datu lako baine iato, anna uleleanan nasangi lako. Nasuami datu tu to mase’ponna misa’ ussolanni, nakua: Pasuleanni tu mintu’ apanna sia mintu’ bura padangna randuk dio mai natampena te tondok sae lako allo iate.

ESTER 5:14

Ma’kadami tu Zeresh, bainena, sia mintu’ sangmanena lako nakua: Melo ke digaragai tu misa’ lentong kayu, limangpulo siku langka’na ammi mela’bik umpokadanni datu masiang anna sulai tau tu Mordekhai inde to dao; namangkato mimane sende male sola datu lako pa’maruasan iato. Naporaimi Haman te kada iate, namesua unggaragai misa’ lentong.

PA’PUDIAN 145:1

Nanian pa’pudi-pudianna Daud. La kupakarayaKomi, o Kapenombangku, o Datungku, sia la kupudi tu sangamMi tontong sae lakona.

SARAMBU PEADA’ 16:9

Iatu penaanna tolino untangnga’-tangnga’ lalanna, apa PUANG unnato’i tu tengkana.

TOMANGADA’ 9:11

Kutiro pole’omi lan naarrang matanna allo, kumua iatu polean disilombai tangia tomalinta’ tongan unnalai, sia iatu kapataloan lan kasirarian tangia to matoto’ tongan unnalai, sia iatu kande tangia tokinaa unnalai, sia iatu kasugiran tangia tomanarang unnalai, sia iatu pa’kamase tangia tounnampui tangnga’ kinaa unnalai, belanna attu sia upa’ urrampoi sola nasangi.

ROMA 8:31

Totemo apara la takua diona tu mintu’nato? Iake sisolaki’ Puang Matua mindapa la umbaliki?

RUT 2:3

Malemi anna rampo lako bela’, narurukki tu buli dalle sisikan dio boko’na to massasa’ dalle sisikan; siappa’mi rampo lako sangtempe’ bela’na Boas, tu dio mai pa’rapuanna Elimelekh.

1 SAMUEL 26:17

Natandaimi Saul tu gamaranna Daud, anna ma’kada nakua: Gamarammuraka to, o Daud, anakku? Nakuami Daud: Io puangku datu, iamote tu gamarangku.