2 DATU 8:20 - Sura' Madatu

²⁰ Iatonna linona memboko’mi tu to Edom, nalendokan kalena dio mai kuasa to Yehuda, naangka’i tu misa’ datu umparentai.

2 DATU 8:20 ပူးပေါင်းရင်းမြစ်များ

KADADIAN 27:40

sangadinna pa’dangmuri la munii tuo sia la mengkaunanko lako adimmu. Sia la dadi undinna, ke umberong-berongko, la mulendokan tu ayokana dao mai sokkongmu!

2 SAMUEL 8:14

Sia napao’ko’i surodadu ma’kampa lan tu Edom; lan mintu’ tondok Edom napao’ko’i surodadu ma’kampa, naurunganni lumbang baka direngnge’ tu mintu’ to Edom lako Daud. Susimoto tu PUANG ungkamasei Daud kapataloan umba-umba nanii male.

1 DATU 22:47

Sia naputtai lan mai tondok tu mintu’ to ma’gau’ sala dio to’ dipa’deatainna, tu torronapa tonna linona Asa, ambe’na.

1 DATU 22:48

Iatonna attu iato tae’ datu dio Edom, anna to maraa tu bendan butung datu.

2 DATU 14:7

Natalomi tu to Edom diong Lombok Ma’sin sangpulo sa’bu tau, sia natalo tu kota Sela tonna rarii, anna sangai Yokteel sae lako allo totemo.

2 DATU 3:26

Iatonna tiromi datu to Moab tu diona rari kapua umpatui, naalami tu tau pitu ratu’, tu manarang ma’pa’dang, la messuang tarru’ lako datu Edom, apa tae’ nakullei.

2 DATU 3:27

Naalami tu anak pa’bunga’na, tu la ussondai dadi datu, napemalaranni butung pemala’ ditunu pu’pu’ dao rinding tembo’ iato. Attu iato narampoimi misa’ kasengkean kapua tu to Israel, naurunganni tu tau iato mai tibalik dio mai kalena anna sule lako tondokna.

2 DATU 3:9

Susito ke’de’mi tu datu to Israel sola datu to Yehuda sia datu to Edom. Apa iatonna ma’pitung-allomo mengguliling tae’mi uai la nairu’ surodadu sia patteke’, tu unturu’i.

2 DATU 8:22

Moi susito memboko’ duka tu Edom, nalendokan kalena dio mai kuasa Yehuda sae lako allo iate. Na attu iato iatu Libna memboko’ dukamo.