2 DATU 8:19 - Sura' Madatu

¹⁹ Apa tae’ duka nala ussanggangi PUANG tu to Yehuda belanna diona Daud, taunNa, susitu Napokada lako, kumua la Nakamasean misa’ palita, iamotu mai bati’na undinna.

2 DATU 8:19 ပူးပေါင်းရင်းမြစ်များ

2 SAMUEL 21:17

Apa sae tu Abisai, anakna Zeruya untundui tu datu, naba’tai tu to Filistin iato, anna mate. Mangkato napalaku tongan-tonganmi mintu’ surodadunna Daud sia umpalao sumpa lako datu, nakua: Damo mitassu’ ussolangkanni lao parari, da napa’dei puangki tu palitanna Israel.

2 SAMUEL 7:15

Apa iatu kamakarimmanangKu tae’ nala sorong boko’ dio mai kalena, susitu mangkamo Kupasorong boko’ dio mai Saul, tu Kupatoyangmo dio mai tingayomu.

2 SAMUEL 7:16

Iatu banuammu sia kadatuammu la masae lako dio tingayomu, sia isungan kapayungammu la bantang sae lakona.

1 DATU 11:12

Apa lan angge tuomu tae’pa angKu la umpogau’i susito belanna Daud ambe’mu, sangadinna iapi tu anakmu Kumane unnalai lan mai limanna.

1 DATU 11:13

Tae’ angKu la unnalai nasangi tu kadatuan iato, sangadinna sangsuku la Kuben anakmu muane, belanna taungKu Daud sia belanna Yerusalem, tu mangka Kupilei langsa’.

1 DATU 11:36

Anna misa’ suku tu la Kuben anakna, kumua anna iatu Daud, taungKu, tontong unnampui misa’ palita dio oloKu lan Yerusalem, iamotu kota mangka Kupilei langsa’ la tontong Kupannii sangangKu.

2 DATU 11:2

Apa iatu Yoseba, anakna baine datu Yoram, anak daranna Ahazia, male unnalai tu Yoas, anakna muane Ahazia, nabaa bunii sola to mantaranakna dio mai mintu’ anakna muane datu tu dipongko, anna patamai bilik dinii manganna inan kamammaran. Nabunian Atalya, naurungan tae’ nadipatei.

2 DATU 19:34

Sia la Kurinding pala’ te tondok iate, angKu lendokanni, belanna sangangKu sia belanna Daud, taungKu.

2 OSSORANNA DATU 21:7

Apa iatu PUANG tae’ namorai ussabu’i tu bati’na Daud tu diona basse Natanan sola Daud, belanna mangkamo Napokada, kumua la Nakamasei Puang misa’ palita sae lakona tu kalena sia mintu’ anakna.

PA’PUDIAN 132:10

Tu bannang dio Daud, taumMi, da Mitananni boko’ tu to ditokkoMi.

PA’PUDIAN 132:17

Diomo la Kunii umpatuoanni misa’ tanduk tu Daud, sia Kuparandanammo palita tu to Kutokko.

YESAYA 37:35

Sia la Kurinding pala’ te kota iate, angKu lendokanni, belanna sangangKu sia belanna Daud, taungKu.

YESAYA 7:14

Iamoto anNa PUANG kaleNa la umbenkomi tanda kumua: La ma’tambuk tu anak dara iato anna dadian misa’ pia muane, la nasangai Imanuel.

HOSEA 11:9

Tae’ angKu la umpalanda’i tu kasengkean dukkungKu, tae’ra angKu tarru’ la ussanggangi tu Efraim. Belanna Akumo tu Puang Matua tangia tolino, maindanNa’ lan lu tangngami, sia tae’ angKu la sae situang kasengkean dukku-dukku.