2 DATU 8:12 - Sura' Madatu

¹² Nakuami tu Hazael: Ma’apai mitumangi’ra? Mebalimi nakua: Belanna kutandai tu mintu’ kadake la migauran to Israel: la miballa tu bentengna sia la mipatei pa’dang tu mai pia muanena sia la miru’puk-ru’puk tu mai pia’-pia’na sia la miballak tu mai baine ma’tambuk.

2 DATU 8:12 ပူးပေါင်းရင်းမြစ်များ

1 DATU 18:13

Tae’raka midipokadan tu apa mangka kupogau’ tonna patei nasangi Izebel tu nabinNa PUANG? Attu iato kubuni tu saratu’ nabinNa PUANG, limangpulo ke simisa’oi lo’ko’ sia kuparakai kuben roti sola uai.

1 DATU 19:17

Attu iato minda-minda tu tilendok dio mai pa’dangna Hazael, la napatei Yehu, na minda-minda tu tilendok dio mai pa’dangna Yehu, la napatei Elisa.

2 DATU 12:17

Malemi tu Hazael, datu to Aram urrarii kota Gat, anna taloi. Mangkato ma’palulakomi Yerusalem la urrarii.

2 DATU 12:18

Naalami Yoas, datu to Yehuda, tu mintu’ pamengan dipamaindan, tu napamaindan Yosafat, Yoram sola Ahazia, ambe’na, iamo datu to Yehuda, susi dukato tu mintu’ pamengan napamaindan kalena sia mintu’ bulaan tu lan inan pangnannanna banuanNa PUANG sia apa lan tongkonan layuk, anna pakatui lako Hazael, datu to Aram. Tibalikmi sule tu Hazael dio mai lalan lu lako Yerusalem.

2 DATU 13:22

Iatu Hazael, datu Aram, umpakario-rio to Israel angge tuona Yoahaz.

2 DATU 13:3

Iamoto re’dekmi ara’Na PUANG lako to Israel, anNa sorongi tu tau iato mai tama limanna Hazael, datu to Aram sia tama limanna Benhadad, anakna Hazael lan mintu’ attu.

2 DATU 13:7

Tonganna tae’ napatorroanni surodadu sangadinna pakkanarang limangpulo sia kareta sangpulo sia iatu to ma’lingka sangpulo sa’bu; belanna nasanggangmo datu to Aram tu tau iato mai sia napasusi barra’-barra’ ke attu panglulluran.

2 DATU 15:16

Attu iato nataloi Menahem tu tondok Tifsah, anna pongkoi tu mintu’ pa’tondokan sia iatu mai to lan lili’na randuk dio mai Tirza, belanna tae’ nabungkaranni babangan. Iamoto napongkoi tu tau iato mai sia naballak tu tambukna mintu’ baine ma’tambuk.

2 DATU 4:28

Ma’kadami tu baine iato nakua: Malakura’ka lako puangku umpalaku misa’ pia muane? Tae’raka kuma’kada kumua: da mima’kada tang tongan lako kaleku.

YESAYA 13:16

Sia iatu mintu’ anakna la dipessambakan dio tingayona tau iato mai, mintu’ banuanna la dilo’do’i sia mintu’ bainena la ditoro’-buku.

YESAYA 13:18

Sangadinna iatu tinaranna ussanggang pia muane sia tae’ anna katirinnai tu mai lanna pa’tambukan, sia tang mamase untiro pia’-pia’.

HOSEA 10:14

Iamoto anna dadi tu kamarukkan unnea bangsamu, sia la disanggang tu mintu’ kota bentengmu, susi Salman ussanggang Bet-Arbel, tonna bendan kasirarian, tonna pessambakanni tu indo’ sola anakna.

HOSEA 14:1

Iatu Samaria la umpassanni tu salana, belanna pabali-balimo lako Kapenombanna. La tibambang tu tau iato mai nakande pa’dang sia la dipessambakan tu mai anak bitti’na sia iatu mai baine ma’tambukna la ditesse tu pa’tambukanna.

AMOS 1:13

Inde sia tu kadanNa PUANG Nakua: Belanna tallu tu kapatodo-tintinganna to Amon, ondongpi belanna a’pa’, iamoto natae’ Kula undampai to. Belanna naballak tu baine ma’tambukna to Gilead, la umpakalua’ lili’na,

NAHUM 3:10

Moi nasusito, inang mangka dukamo male dipali’, sia iatu mintu’ pia-pia’na dipessambakan dio lu mintu’ tetuk lalan sia diloterei tu mintu’ to la’bi’na sia mintu’ to kapuana dirante.