2 DATU 8:1 - Sura' Madatu

¹ Ma’kadami Elisa lako tu baine mangka napatuo anakna, nakua: Ke’de’moko ammu male sola to lan banuammu, sia mempue umba-umba nii musanga melo, belanna Napasaemo PUANG tu karorian. Dadi tonganmo lan tu tondok pitung taun.

2 DATU 8:1 ပူးပေါင်းရင်းမြစ်များ

KADADIAN 12:10

Saemi karorian lan tana iato, anna male rokko Mesir tu Abram, la mempue dio butung to sae, belanna karorian pannang lan tana iato.

KADADIAN 26:1

Saemi tu karorian pannang lan tondok iato, senga’ ia na iatu karorian bunga’na tonna linona Abraham, iamoto anna male tu Ishak lako Abimelekh, datu to Filistin dio Gerar.

KADADIAN 41:25

Ma’kadami tu Yusuf lako Firaun nakua: Iate tindona Firaun misa’ bangsiari, iatu apa Napaden Puang Matua, Napaissanan Firaun.

KADADIAN 41:32

Iatu tindo iato ma’penduan maro’ sae lako Firaun tu belanna iatu apa iato Napamanassa tongan Puang Matua sia Puang Matua duka la umpalaloi madomi’.

KADADIAN 41:54

Randukmi sae tu pitung taun ra’pak padang, susitu napokada Yusuf; ra’pak padang nasang lan mintu’ tondok, apa lan mintu’ tondok Mesir den ia kande.

KADADIAN 47:4

Sia nakua polepa tu tau iato mai lako Firaun: Iate kami saekanni la mentiruran lan te tondok, belanna tae’ tu inan la kinii umpakande dombaki sia bembe’ki, apa masang tu ra’pak padang dio tana Kanaan; totemo elorangkanni torro dio tana Gosyen.

2 SAMUEL 21:1

Iatonna linona Daud denmi karorian pannang situru’-turu’ bang tallung taun; iamoto anna masambayang tu Daud umpekutananni langngan PUANG. Napebaliimi PUANG Nakua: Iamo tu Saul, sola bati’na kaindanan rara bangsia, belanna mangka umpatei to Gibeon.

2 SAMUEL 24:13

Saemi Gad lako Daud umpokadanni tu kada iato, nakua: Umbannara miporai: ra’pak padangraka pitungtaun lan tondokmi, iaraka tu la mallaikomi naula’ ualimmi lan tallungbulan, ba’tu iaraka tu ropu tallungallo lan tondokmi? Totemo la mitangnga’ sia mitimbang melo, umbara tu pebali la kuparampoanni sule tu To ussuana’.

1 DATU 17:1

Attu iato ma’kadami tu Elia, to Tisbe, dio mai Tisbe, lili’na Gilead, lako Ahab, nakua: La lelukraka tuoNa PUANG, Kapenombanna to Israel, tu kupengkaolai: manassa tae’ nala den damo’ sia tae’ nala sae uran lan te ba’tu pirang-pirang taun, ke tae’i angku pokadai.

1 DATU 18:2

Malemi tu Elia la umpa’petiroan kalena lako Ahab. Attu iato karorian pannang dio Samaria.

2 DATU 4:18

Iatonna kasallemo tu pia, den sangallo namale lako ambe’na, tu marassan untiro to megandung.

2 DATU 4:36

Natambaimi tu Gehazi, sia nakua lako: Tambai tu baine to Sunem. Iatonna tambaimi saemi tu baine iato lako kalena, anna ma’kada tu Elisa lako nakua: Angkarammi tu anakmi.

2 DATU 4:38

Undinnato sulemi tu Elisa lako Gilgal, tonna karorian lan tondok iato. Iatonna marassan tu mintu’ passikola nabi unno’ko’ dio tingayona, ma’kadami lako taunna nakua: Patonangngi tu kurin kapua, ammu tolloranni utan tu mai passikola nabi.

2 DATU 7:20

Narampoimo susito, belanna nasilullu’i to buda lan babangan kota anna mate.

2 DATU 8:2

Ke’de’mi tu baine iato, naturu’i tu kadanna taunNa Puang Matua; malemi sola mintu’ to lan banuanna, anna mempue pitung taun lan tondok to Filistin.

PA’PUDIAN 105:16

Ia untambai ra’pak padang sae lan tondok iato, sia Napaputta tu kande, dipopamuntu.

PA’PUDIAN 107:34

Sia padang lompo Napopempadang ma’sin, natumang kakadakeanna to umpa’tondokki.

YEREMIA 25:29

Belanna manassa Kuparandukmo ussanggangi tu kota dinii ussa’bu’ sangangKu, umba nakua nala tang urruakomi? Tae’ mila tilendok dio mai kamandasan, belanna Akumo la umparampoi kandean pa’dang tu mintu’ to untongkonni kuli’na padang, kadanNa PUANGna mintu’ ma’dandan maritik.

SURA’ KATOMINAAN 26:26

Iake Kuparoto’i tu roti mipopamuntu, la sangpulo baine untunui tu rotimmi lan misa’ dapo’ sia ditimbang tu rotimmi, ke dipasulei, ammi kandei, apa tae’ ammi dia’.

AMOS 4:6

Apa iatu Aku, Kubenkomi kamaseroan isi lan lu mintu’ kotami sia kapu’duran roti lan lu mintu’ inanmi. Moi susito, tae’ duka mimengkatoba’ lako Kaleku, kadanNa PUANG.

HAGAI 1:11

Sia Kutambai tu pealloan karing urrampoi padang sia buntu, gandung, uai anggoro’ ba’ru, minna’ sia mintu’ burana padang, tolino sia olo’-olo’ sia mintu’ panggaraga lima.

LUKAS 21:11

sia la den pembuda ra’ba biang sia lino’ kapua dio lu ba’tu pira-pira tondok sia karorian sia penggauran dikataku’ sia tanda kalle-kallean kapua dao mai langi’.

LUKAS 21:22

Belanna iamo allo dinii umpabala’i, kumua anna sundun tu mintu’na disura’na.

LUKAS 4:25

Apa Kukua tongan lako kalemi, kumua: Iatonna Elia, tonna titutu’ langi’ tallung taun annan bulanna, anna ra’pak padang lan mintu’ tondok; iatonna iato buda baine balu dio tondok Israel.

PENGGAURANNA RASULU’ 11:28

Bendanmi misa’ tu disanganna Agabus, anna pa’peissananni belanna pa’patudu-tudunNa Penaa, kumua la sae karorian pannang lan mintu’ lili’na lino. Dadimi tu iannato tonna linona Klaudius.

RUT 1:1

Iatonna linona mintu’ to parengnge’ ma’parenta, denmi misa’ karorian lan tondok. Attu iato ke’de’mi misa’ muane dio mai Betlehem, lili’na Yehuda, sola bainena sia anakna muane da’dua la torro to sae dio padang marantena Moab.