2 DATU 7:7 - Sura' Madatu

⁷ Iamoto anna pada ke’de’ male mallai tonna kasisalan taumo bongi, anna tampei tu mai tendana sia mintu’ darangna sia keledainna, sia mintu’ inan surodadu susi bangsiato nanii, anna pada mallai tu tau iato mai ullendokan kalena.

2 DATU 7:7 ပူးပေါင်းရင်းမြစ်များ

1 DATU 10:29

Iatu misa’ kareta dio mai Meisraim, ke saei dibaluk dilampak tu allinna annan ratu’ sikele’, anna misa’ darang saratu’ limangpulo sikele’; sia nabalili dukato ma’balilinna Salomo pira lako mintu’ datu to Het sia datu to Aram.

1 DATU 20:20

Pantan napateimi tu balinna, naurunganni mallai nasang tu to Aram naula’ to Israel. Na Iatu Benhadad, datu to Aram, ma’darang umpallaian kalena sola ba’tu pira-pira pakkanarang.

AYUB 18:11

Tiku lao narampoi tu apa mepatiramban sia naula’ dio to’ pentengkana.

PA’PUDIAN 33:17

Iatu darang misa’ parea tang lolo’ la umpabu’tu kapataloan, sia liu matoto’na tae’ nabelai merampanan.

PA’PUDIAN 68:12

Ma’pau tang sala-sala tu Puang; na mintu’ baine umpa’peissanan kareba melo, sae ma’baanan.

SARAMBU PEADA’ 21:1

Iatu penaanna datu lan limanNa PUANG susito salu’-salu’, Napalolong lao umba-umba tu Naporai.

SARAMBU PEADA’ 28:1

Iatu to tang mekaaluk male mallai, moi tae’ tau unnula’i, apa iatu to malambu’ manaman bang nasa’ding susito singa mangura.

SARAMBU PEADA’ 6:5

lussurangko kalemu susito kijang dio mai limanna to rumangngan, sia susito manuk-manuk dio mai limanna to ma’poya.

YESAYA 2:20

Allo ia dukato iatu mai tau la untibe mintu’ rapang-rapang dipodeata salaka sia bulaan tu nagaraga la napenombai, nabuangan balao sola ledo.

IBRANI 6:18

kumua anna bannang dio te da’dua passalan tang tileluk tu Nanii Puang Matua tang balle, nadipabatta’ tu penaanta te kita mallainnamo mentilindung lako Kalena la untoe kapa’rannuanan tu diomo tingayota,

TO PARENGNGE’ 7:21

Pantan bendanmi tu tau iato mai dio lu inanna untikui to’ tenda surodadu, apa iatu mintu’ surodadu sisarambuan male mallai sia sipelallakan.

1 SAMUEL 14:15

Dadimi misa’ katirambanan lan lu to’ tenda surodadu sia dio lu padang sia dio lu to’ to buda; sia tiramban duka tu surodadu ma’kampa sia ia duka tu mai surodadu mangrampa sangbaanan; ondong pissanpi tigega’ tu mintu’ tondok, naurungan susi misa’ katirambanan dio mai Puang Matua.