2 DATU 7:6 - Sura' Madatu

⁶ Belanna Napa’perangiammo Puang lako surodadu to Aram tu ongngo’na, ba’tu pira-pira kareta sia gumaluntu’na darang sia arrakna sangtuntunan kapua surodadu, naurungan pantan sipa’kada tau iato mai: Manassa nasaroi datu to Israel tu datu to Het sia datu to Misraim unneaki’ sia la ullaoiki’.

2 DATU 7:6 ပူးပေါင်းရင်းမြစ်များ

2 SAMUEL 10:6

Iatonna issanmi to Amon kumua napakadake lelemo tu kalena dio olona Daud, nasuami ussaroi to Aram dio Bet-Rehob sia to Aram dio Zoba duangpulo sa’bu tu surodadu lumingka, sia surodadunna datu Maakha sangsa’bu, sia surodadunna Tob sangpulo dua sa’bu.

2 SAMUEL 5:24

Iake murangii tu tengka dao lolok baka, la madongi’ko, belanna attu iato tassu’mo tu PUANG undoloangko la untaloi tu surodadu to Filistin.

1 DATU 10:29

Iatu misa’ kareta dio mai Meisraim, ke saei dibaluk dilampak tu allinna annan ratu’ sikele’, anna misa’ darang saratu’ limangpulo sikele’; sia nabalili dukato ma’balilinna Salomo pira lako mintu’ datu to Het sia datu to Aram.

1 DATU 20:20

Pantan napateimi tu balinna, naurunganni mallai nasang tu to Aram naula’ to Israel. Na Iatu Benhadad, datu to Aram, ma’darang umpallaian kalena sola ba’tu pira-pira pakkanarang.

2 DATU 19:7

Manassa Aku la umpabu’tui lan penaanna, naurunganni, ke urrangimi misa’ kareba, manassa la sule lako tondokna, sia la Kubambangan nakande pa’dang lan tondokna.

2 DATU 7:5

Ke’de’mi tu tau iato mai tonna kasisalan taumo bongi, anna male lako to’ inan surodadu to Aram. Iatonna rampomo lako tampakna to’ inan surodadu to Aram, mangngami, moi misa’ tau tae’mo dio.

AYUB 15:21

Iatu oni apa mepatiramban tialling lan talinganna, iake lanni kamarampasan tongan narampoimi to ma’kasanggang.

PA’PUDIAN 14:5

Indeto nanii urrampoi kaselangan sola nasangi, belanna Puang Matua urrondong to tama bilanganna to malambu’.

YESAYA 31:1

Upu’ allona tu mintu’ to male rokko Mesir la umpalaku pa’tunduan, tu umposande’ darang sia urrannuan kareta, belanna buda, sia pakkanarang, belanna seba’ bilanganna, apa tae’ namengkamoya lako To maserona to Israel sia tae’ namekutana lako PUANG.

YESAYA 36:9

Umba mikua la umbelai sitingoan sala umbanna misa’i tu to maraya, moi iatu tau madionganna puangku? Apa ma’rannuan lakokomi Mesir belanna mintu’ kareta parari sia mintu’ pakkanarang.

YEREMIA 46:21

Sia mintu’ surodadu disaroi dio lu tau iato mai susitu anak sapi maloppok, apa tau iato mai memboko’, anna mallai sola nasang sia tang naatta tumanan, belanna narampoimo allo kamandasanna, iamotu allo kadiukunganna.

YEHEZKIEL 1:24

Ianna male tu a’gan iato, kurangi tu pani’na susito uai saba’ mongngo’ bang, susi gamaranna To umpoissan angge maritik, takua gumalugunna surodadu ma’baanan; ianna torromo, napembasseammi tu pani’na.

YEHEZKIEL 10:5

Iatu ongngo’ pani’ karubion dirangi sae lako tarampak diona lu salian, susi gamaranNa Puang Matua, To umpoissan angge maritik, ke ma’kadaI.

KADA OMBO’ LAKO RASULU’ YOHANES 9:9

Sia dadanna susi bayu bassi, na oni pani’na susi oni kareta naturu’ darang ma’baanan sigalunturan la parari.

TO PARENGNGE’ 7:21

Pantan bendanmi tu tau iato mai dio lu inanna untikui to’ tenda surodadu, apa iatu mintu’ surodadu sisarambuan male mallai sia sipelallakan.

1 SAMUEL 14:15

Dadimi misa’ katirambanan lan lu to’ tenda surodadu sia dio lu padang sia dio lu to’ to buda; sia tiramban duka tu surodadu ma’kampa sia ia duka tu mai surodadu mangrampa sangbaanan; ondong pissanpi tigega’ tu mintu’ tondok, naurungan susi misa’ katirambanan dio mai Puang Matua.

1 SAMUEL 26:6

Ma’kadami Daud lako Ahimelekh, to Het sia lako Abisai, anak Zeruya, siulu’na Yoab, nakua: Minda morai kusolan solo’ rokko Saul, lako to’ tenda iato mai. Mebalimi Abisai, nakua: Aku tu morai solo’ ussisolangkomi.