2 DATU 7:5 - Sura' Madatu

⁵ Ke’de’mi tu tau iato mai tonna kasisalan taumo bongi, anna male lako to’ inan surodadu to Aram. Iatonna rampomo lako tampakna to’ inan surodadu to Aram, mangngami, moi misa’ tau tae’mo dio.

2 DATU 7:5 ပူးပေါင်းရင်းမြစ်များ

2 DATU 7:4

Ianta ma’kada kumua: La maleki’ tama kota, karorian lan kota iato, manassa la mateki’ lan; na ianta la torro bang inde te, manassa la mate dukaki’. Iamoto malekomi mai, tasorong kaleta lako to’ inan surodadu to Aram. Ianna la umpatuoki’, manassa tuoki’, ianna la umpateiki’ manassa la mate dukaki’.

2 DATU 7:6

Belanna Napa’perangiammo Puang lako surodadu to Aram tu ongngo’na, ba’tu pira-pira kareta sia gumaluntu’na darang sia arrakna sangtuntunan kapua surodadu, naurungan pantan sipa’kada tau iato mai: Manassa nasaroi datu to Israel tu datu to Het sia datu to Misraim unneaki’ sia la ullaoiki’.

YEHEZKIEL 12:12

Iatu datu dio lu tau iato mai la ussompo pa’bungku’na dao palempengna ke mapi’tukmi anna male lako salian; la nalo’po’ tau tu rinding tembo’, kumua anna olai tassu’; la naputu’ tu lindona, belanna tae’mo na la untiro pole’i matanna te padang iate.

SURA’ KATOMINAAN 27:26

Apa iatu mintu’ anak bunga’na patuoan, tu belanna anak bunga’na, iamoto napoapai PUANG, moi misa’ tau da napamaindanni tu iannato, la sapi la domba sia bembe’; iatu iannato apanNa PUANG.

SURA’ KATOMINAAN 27:8

Iake tang nabelai tu muanggaranni, belanna kalala’, la nabaa tau napopennolo lako to minaa, na tominaa iato la unnangga’i; pada tu la nabelanna tu to mangallonan iato, la naanggaranni to minaa.

PA’TOLE 28:7

Iatu PUANG la ussorong ualimmu, tu unneako, dio tingayomu, ammu taloi. Sangbambari tu lalan la nanii sae unneako, apa pitu tu lalan nanii mallai tu tau iato dio mai tingayomu.

PA’TOLE 32:25

Dio salian banua la kumande tu pa’dang, sia lan inan nanii katirambanan, urrampoi tu pia muane, anak dara, pia sumusu sia to ubanan.

PA’TOLE 32:30

Umba nakua tu misa’ tau ma’din unnula’ uali sangsa’bu sia da’dua tau umpapallai tau sangpulo sa’bu, iake tae’i Nabalukanni Buntu batunna sia tae’ Napopa’elo’nai PUANG tu tau iato?

1 SAMUEL 30:17

Napepami la’bo’ Daud tu tau iato mai randuk dio mai masiangna sae lako makaroenna tu allo ma’penduanna, na moi misa’ tau tae’ lussu’ sangadinna a’pa’ratu’ pia muane tu mallai ma’unta.