2 DATU 7:18 - Sura' Madatu

¹⁸ Lalomi susitu kadanna taunNa Puang Matua lako datu, kumua: Masiang susite duang sea dalle sisikan misa’ sikele’ allinna sia sangsea ta’pung melo misa’ sikele’ allinna dio to’ babangan Samaria.

2 DATU 7:18 ပူးပေါင်းရင်းမြစ်များ

KADADIAN 18:14

Denraka apa tang dadi ke PUANG? Iake attu susite taun pole’ la saeNa’ lako kalemu, la denmo pia muane nadadian Sara.

2 DATU 6:32

Unno’ko’mi tu Elisa lan banuanna sola tu mai pekaamberan. Nasuami datu dolo tu pesua. Iatonna tae’pa narampo tu pesua iato lako Elisa, nakuami Elisa lako pekaamberan: Tae’raka mitiroi tu anak to papatean iate ussua tau la unta’takki ulungku? La mikanandai, iake rampomi pesua iato, la mitutu’i ba’ba ammi pasualei ba’ba tassu’. Tang la tumanuturika tu pentengkana puangna dio boko’na?

2 DATU 7:19

Apa mebali tu kamandang lako taunNa Puang Matua nakua: Moi Napadadi PUANG tu pentiroan dao langi’, umba nakua la dadi tu iannato? Apa nakua tu Elisa: Manassa la natiro matammu, apa tae’ mukande lenni.

YESAYA 44:26

Akumo umpasundunni tu kadanna taungKu sia umpalanda’i tu apa napa’peissanan dolomo sumbungan pudukKu; Akumo tu ma’kada lako Yerusalem kumua: La napa’tondokkipoko tau, na lako mintu’ kota Yehuda: La dibangun polekomi, sia mintu’ tembo’ ro’pokmi la Kupabendan sule.