2 DATU 7:16 - Sura' Madatu

¹⁶ Tassu’mi tu to buda anna mangrampa dio lu to’ inan surodadu to Aram. Lalomi tu sangsea ta’pung melo misa’ sikele’ allinna, sia duang sea dalle sisikan misa’ sikele’ allinna, susitu kadanNa PUANG

2 DATU 7:16 ပူးပေါင်းရင်းမြစ်များ

2 DATU 7:1

Attu iato ma’kadami tu Elisa nakua: Perangii te kadanNa PUANG. Inde sia tu kadanNa PUANG nakua: Masiang susite, iatu ta’pung melo sangsea misa’ sikele’ allinna sia duang sea dalle sisikan misa’ sikele’ allinna dio to’ babangan Samaria.

2 DATU 7:15

Narundu’mi sae lako Yordan, belanna mintu’ tu lalan nanii ponno pakean sia parea pa’buno, tu napentibean bangmo to Aram tonna tiramban anna mallai sule. Sulemi tu to disua umparampoi tu apa iato lako datu.

2 OSSORANNA DATU 20:25

Saemi tu Yosafat sola taunna mangrampa, nakabu’tui tu pangrampa lendu’ budanna, iamotu ianan sia pakean sia pareanan mellong; naalami, tang nagasa tongan nabaa; tallung allo tu tau iato mai unnalai tu pangrampa, belanna lendu’ budanna.

PA’PUDIAN 68:12

Ma’pau tang sala-sala tu Puang; na mintu’ baine umpa’peissanan kareba melo, sae ma’baanan.

PA’PUDIAN 68:13

Iatu mai datu, pangulu pa’barani mallai, mallai sola nasang, sia iatu baine la’bi’ lan banua untaa-taa pangrampa.

YESAYA 33:1

Upu’ allomu, e pa’kasanggang, tu tang disanggang; e to tang maruru’ tu tang diballean len; iake upu’moko ma’kasanggang, iko kalenamo la disanggang; iake upu’moko umpogau’ tang maruru’, iko kalenamo la diballean.

YESAYA 33:23

Mintu’ ulangmu tikkondo’mo, tae’mo napabantangi tu lentongna sia tae’mo naballa’i tu somba’na. Attu iato untaa-taa pangrampa sebo, moi to kupi’ urrampun duka pangrampa.

YESAYA 33:4

Sia attu iato la napula’ikomi tau tu pangrampami, susi nango ussabu’i bura padang sia susi batik mangrapai, susi dukato la narapai tau.

YESAYA 44:26

Akumo umpasundunni tu kadanna taungKu sia umpalanda’i tu apa napa’peissanan dolomo sumbungan pudukKu; Akumo tu ma’kada lako Yerusalem kumua: La napa’tondokkipoko tau, na lako mintu’ kota Yehuda: La dibangun polekomi, sia mintu’ tembo’ ro’pokmi la Kupabendan sule.

KADIBILANGAN 23:19

Iatu Puang Matua tangia tolino, anNa ma’kada tang tongan; ba’tu misa’ ma’rupa tau, anNa menassan. Ma’kadaraka anna tang umpogau’i, ba’tu mangallu’, anNa tang umpadadii?

MATIUS 24:35

Iatu langi’ sola lino la pa’de, apa iatu kadangKu tae’ nala pa’de.

1 SAMUEL 17:53

Mangkato tibalikmi tu to Israel unnula’ manuk-manukki tu to Filistin, anna pangrampai tu to’ tenda surodadunna.