2 DATU 7:13 - Sura' Madatu

¹³ Mebalimi tu misa’ to mase’ponna nakua: Melo ke dialai lima dio mai te mintu’ darang, tu torronapa inde te. Iake dadipi lako darang iato mai susi bilanganna to Israel, tu torronapa lan te tondok, ba’tu la dadi lako darang iato mai susi bilanganna to Israel sanggangmo, da’ito tasuami male untiroi.

2 DATU 7:13 ပူးပေါင်းရင်းမြစ်များ

2 DATU 5:13

Apa attu iato saemi tu mai to mase’ponna urreke’i, anna ma’kada lako, nakua: O ambe’, ianna den misa’ apa masussa napasanangkomi tu nabi, umba mikua tang la umpogau’i? Ondong polepi totemo nakuan mannakomi: Mendio’komi ammi mondo sule?

2 DATU 6:33

Marassan bangsia sipa’kada-kada tau iato mai, ta’kala saemi tu pesua lako kalena. Nakuami tu datu: Manassa mandu tongan tu kamandasan naparampoangki’ PUANG! Apara gai’ku urrannuampa PUANG?

2 DATU 7:12

Millikmi tu datu tonna bongi, nama’kada lako mintu’ to mase’ponna, nakua: La kupokadangkomi, apa mora nagaurangki’ to Aram. Naissan bangmo kumua karoriammoki’, iamoto anna tassu’ lan mai to’ inanna, namale membuni dio lu padang, nakua: Ianna tassu’mo tu tau iato mai lan mai kota, ma’dinmo tatingkan tuo, anta mane tama kota.

2 DATU 7:14

Naalami tu kareta da’dua sola darangna, nasuami datu tu tau iato mai undi urrundu’ surodadu to Aram nakua: Malekomi untiroi.

2 DATU 7:4

Ianta ma’kada kumua: La maleki’ tama kota, karorian lan kota iato, manassa la mateki’ lan; na ianta la torro bang inde te, manassa la mate dukaki’. Iamoto malekomi mai, tasorong kaleta lako to’ inan surodadu to Aram. Ianna la umpatuoki’, manassa tuoki’, ianna la umpateiki’ manassa la mate dukaki’.

YEREMIA 14:18

Iake tassu’na’ lako padang, dio tu mintu’ to mangka nakande pa’dang. Sia iake tamana’ kota, lan tu to la mate mannamo napobua’ karorian! Ondongpi la nabi la to minaa lu lako lu dio mai lan lu tondok sia tae’mo apa natandai.

BATING 4:9

Maupa’ iatu to mate nakande pa’dang, anna iatu to mate mangelo; samasai-sainna samoro’-moro’na susito ditobok, belanna iatu padangna tang memburamo.