2 DATU 6:6 - Sura' Madatu

⁶ Ma’kadami tu taunNa Puang Matua nakua: Umbara nanii tobang? Nadullumi tu inan nanii, anna lontokki Elisa tu kayu sanglontok, nabuangi inde to lako, anna paunnayangi sule tu mata uase.

2 DATU 6:6 ပူးပေါင်းရင်းမြစ်များ

2 DATU 2:21

Tassu’mi tu Elisa namale lako to’ kalimbuang, nabuangi tu sia tama nama’kada nakua: Inde sia tu kadanNa, PUANG: La Kupamelo te uai iate, tae’mo nala umpaden kamatean sia katangmemba’karan.

2 DATU 4:41

Apa ma’kada tu Elisa nakua: Alai tu ta’pung. Napatamami kurin tu ta’pung, nakua: Totemo palennaranmi te tau buda anna kandei. Moi misa’ tae’mora kadakena lan tu kurin.

2 DATU 6:5

Denmi misa’ dio mai tau iato, marassan ullelleng misa’ kayu, anna tobang tu mata uasena rokko uai; melallakmi nakua: O puangku, iatu uase iato kuindan!

2 DATU 6:7

Nakuami: Alami. Nadondongammi tu limanna, anna alai.

KATASSURAN 15:25

Meongli’mi tu Musa lako PUANG, Napadulluanni PUANG misa’ kayu, nabuangi tama uai iato, anna malino. Indemo to dio Nanii umpokadanni tu tau iato mai tu aluk Napondok sia atoran sia inde dukamoto Nanii untobai.