2 DATU 6:29 - Sura' Madatu

²⁹ Iamoto angki tollo’i tu anakku, angki kandei. Apa masiang pole’to kukuammi lako: Totemo pa’bengammi tu anakmu anta kandei, apa male nabumi tu anakna.

2 DATU 6:29 ပူးပေါင်းရင်းမြစ်များ

1 DATU 3:26

Ma’kadami tu baine tuo anakna lako datu, belanna mamasseng lako anakna, nakua: Tabe’ puangku, ben bangmi lako te pia tuo, apa da maro mipatei. Apa nakua tu senga’na: Nakeori, tang lu lako kaleku, tang lu lako kalemu, sese bangmi.

YESAYA 49:15

Ma’dinraka misa’ baine ungkalupai anak sumusunna, anna tang ungkatirinnai tu anak natibussanan? Kenna la ungkalupai tonganni baine iato mai, manassa tae’ Aku Kukalupaiko.

YESAYA 66:13

Susi misa’ tau napakatana indo’na ten dukato tu Aku la umpakatanakomi, ondongpi lan Yerusalem dinii umpakatanakomi.

BATING 4:10

Iatu limanna baine matirinna untollo’mo anakna; iamoto tu napokande, tonna lambi’ kasangganganna tu anak dara bangsaku.

SURA’ KATOMINAAN 26:27

Moi nasusimoto, ke tae’i miperangiiNa’ sia la tontongkomi unneaNa’,

SURA’ KATOMINAAN 26:29

Ammi kandei tu duku’na anakmi muane sia duku’na anakmi baine.

PA’TOLE 28:52

La naparampoiko kapussakan lan mintu’ kotamu, sae lako rondon tu tembo’ tambakuku malangka’, tu muposande’ lan mintu’ tondokmu. Manassa la naparampoiko kapussakan lan mintu’ kotamu, lan mintu’ tondok tu la Nabenko PUANG, Kapenombammu.

PA’TOLE 28:53

Lan kamandasammu sia kapussakammu, nanii ualimmu la umpabuyu’ko, iamoto ammu kandei tu rianna pa’tambukammu, iamotu mai duku’na anakmu muane sia anakmu baine, tu la Nabenko PUANG, Kapenombam- mu.

PA’TOLE 28:57

moi iatu toninna ba’tu anak sun dikalena tae’ duka, belanna kapu’duranmo mintu’ apa, iamoto nakande bunii tu iannato, napobua’ kamandasan sia kapussakan, nanii ualimmu la umpabuyu’ko lan kotamu.