2 DATU 6:27 - Sura' Madatu

²⁷ Nakuami tu datu: Iake tae’i Natunduiko PUANG, naumbara la kunii untunduiko? Dioraka mai panglulluran, ba’tu dioraka mai pa’parran anggoro’?

2 DATU 6:27 ပူးပေါင်းရင်းမြစ်များ

KADADIAN 50:10

Rampomi sola nasangi lako Panglulluran gandung dirompo pundanga lamban lianna salu Yordan na inde to nanii siorronan umbating, napa’baratammi Yusuf pitung allo tu ambe’na.

2 DATU 6:26

Iatonna lendu’ tu datu Israel dao benteng tembo’ metambami misa’ baine mengkamoya lako nakua: O puangku datu, tunduina’!

2 DATU 6:28

Sia nakutanaipa datu nakua: Apara tu kamasussammu? Mebalimi nakua: Iate baine ma’kada lako kaleku nakua: Pa’benganni tu anakmu anta kandei allo iate, namasiangopa tu anakku tamaneo ungkandei.

PA’PUDIAN 127:1

Nanian Hamaa’lot. Pa’pudianna Salomo. Iake tae’i anNa PUANG umbangunni tu banua. Manassa tae’ gai’na tu kabo’yoranna pande; sia iake tae’i anNa PUANG ungkampai tu kota, manassa tae’ gai’na tu kamaroyanna to ma’kampa.

PA’PUDIAN 146:3

Da misande’ lako tu mai to la’bi’, ba’tu lako ma’rupa tau tu tae’ kasalamaran dio.

PA’PUDIAN 60:11

Mindara tu la umbaana’ tama tondok ditambakuku, mindara tu la ussolanna’ lako Edom?

PA’PUDIAN 62:8

Lan Puang Matua nanii tu kasalamarangku sia kamala’birangku, iatu buntu batu matoto’ku sia pentirerungangku iamo Puang Matua.

YESAYA 2:2

La dadi undinna, kumua iatu buntu nanii banuanNa PUANG, la bantang ten to buntu malangka’ untongloi mintu’ buntu, anna mintu’ bangsa lolong lako.

YEREMIA 17:5

Inde sia tu kadanNa PUANG Nakua: Tampakan ropu tu to urrannuan tolino sia tu umpotakia’ duku’ sia untoyangan penaanna dio mai Puang.