2 DATU 6:26 - Sura' Madatu

²⁶ Iatonna lendu’ tu datu Israel dao benteng tembo’ metambami misa’ baine mengkamoya lako nakua: O puangku datu, tunduina’!

2 DATU 6:26 ပူးပေါင်းရင်းမြစ်များ

KADADIAN 41:55

Belanna iatonna sipangeloan nasangmo tu pa’tondokan dio Mesir sia sumarro lako Firaun umpalaku kande, ma’kadami tu Firaun lako mintu’ to Mesir, nakua: Lulakokomi Yusuf: pogau’i tu apa napokadangkomi.

2 SAMUEL 14:4

Iatonna mennolomo tu baine Tekoa lako datu, tukkumi rokko padang menomba anna ma’kada nakua: O puangku, tunduina’!

2 DATU 6:25

Narampoimi karorian pannang tu Samaria, belanna masai tongan napatama limbu tau iato mai tu kota iato, naurungan misa’ ulu keledai karua pulona sikele’ allinna, na sangtepo ka’ tai bu’ku’ lima sikele’.

2 DATU 6:27

Nakuami tu datu: Iake tae’i Natunduiko PUANG, naumbara la kunii untunduiko? Dioraka mai panglulluran, ba’tu dioraka mai pa’parran anggoro’?

YESAYA 10:3

Apa apara la mipogau’, ke allo kadiukungan sia ke naruakomi kasanggangan bu’tu mambela? Mindara la minii mallai umpalaku pa’tunduan sia umbara la minii umpalumpunni meloi tu kamala’birammi?

LUKAS 18:3

Lan tondok iato den misa’ baine balu messule-sule bang loo mennolo lako, nakua: Pakaloloampakan dikka’ te kara-karaki.

PENGGAURANNA RASULU’ 21:28

sia metamba-tamba, nakua: E kamu mintu’ to Israel, tunduimokan! Indemo tu to unnada’i mintu’ tau, tu tae’ tang nanii umbelle’i tau sia Sukaran aluk sia iate inan iate. Sia ba’tu pira-piramo to Yunani nasolan tama Banua Kabusungan, sia naruttakki te inan maindan iate.