2 DATU 6:18 - Sura' Madatu

¹⁸ Iatonna solo’mo tu tau iato mai narampo lako Elisa, massambayangmi lako PUANG, nakua: Pamaraunni tu matanna tau iato mai. Napamaraunmi Puang, susitu kadanna Elisa.

2 DATU 6:18 ပူးပေါင်းရင်းမြစ်များ

KADADIAN 19:11

Napasuleimi te tau sola duai tu mintu’ to dio to’ ba’ba, la bitti’na la kapuanna, napamaraun tu matanna naurunganni bo’yo’ undaka’i tu ba’ba.

2 DATU 6:19

Nakuami tu Elisa lako tau iato mai: Tangia lalan te sia tangia kota angku solangkomi lako tu to midaka’. Nasolammi tu tau iato mai lako Samaria.

AYUB 5:14

Iake masiangi sumpumo lan kamalillinan, sia iake tangngai allo, sumalappa susi ke bongi.

HOSEA 1:7

Apa iatu bati’na Yehuda la Kukamasei sia la Kurampanan tete dio PUANG Kapenombanna. Apa tae’ angKu la urrampananni tete dio pana ba’tu pa’dang ba’tu pa’buno, ba’tu darang ba’tu pakkanarang.

ZAKHARIA 12:4

Attu ia dukato, kadanNa PUANG, la Kuparampoi katirambanan tu mintu’ darang, sia la Kupabomboan tu mintu’ to ussakei; lako mintu’ to Yehuda la tontong tibungka’ tu matangKu, apa iatu mintu’ darangna to sangpetayanan la Kupabuta.

YOHANES 12:40

Napabuta Puang Matua tu matanna tau iato mai sia Napamakarra’ tu penaanna, kumua da anna pakita tu matanna sia mangingaran tu penaanna namengkatoba’, angKu pamalekei.

YOHANES 9:39

Nakuami Yesu: Iatu kasaeangKu tama te lino, belanna diona kapangukungan, kumua anna pakita tu to tang pakita, sia buta tu to pakita.

PENGGAURANNA RASULU’ 13:11

Tiromi, totemo bangsiamote anna lambi’ko limanNa Puang, ammu buta, tae’ mula untiro allo ba’tu sangapa-apa. Ta’pa narampoimi kamaraunan sia kamalillinan, naurunganni kakaririk-ririk bang undaka’ to la urrenden limanna.

ROMA 11:7

Iake susito, umbamo nakua? Iatu nadaka’na to Israel, tae’ nakabu’tui, sangadinna to dipilei bangsiami ia ungkabu’tui, na iatu mai senga’na napopemmakarra’ penaanna.

PA’TOLE 28:28

PUANG la umpabomboangko, sia umpabagako sia umpamaro-maroko,